اسمع علوم مرجحين الموازين (( صوتيه))

[برق الشمال]

الشماااالي ـــــــــ ابن الاجواد
شفيكم عسى ماشر
الشمالي = حتى لو كان الشيخ راكان ماقال القصيده تشك بكرم الهاجري ؟
اسئل بدو الخليج وحضرها ويردون عليك .
الشمالي = تشك في ان الهاجري ظفر وشجاع ؟
طالع وين منازلهم ومن يجاورهم وتدري من يكونون .

نصيحتي براد سكاكا ابرك لك من الشقا .. بتطيح بين عجمي وهاجري وبينهشونك
ابن الاجواد= مو كل موضوع تجتهد فيه .. ( البينه بينه )

اتمنى ان يتسع صدركم لهذا ..
الشمالي لك كل الحب وهلااااااابك

[شمالى.]

برق الشمال ونعم بالهواجر ناس لها تاريخ يبيض الوجه
وبنسبه سؤالى عن القصيدة بس يمكنى بتاكد من مصدرها.
سالفت ينهشونى عجمى وهاجرى حنا بالأنترنت انشالله مافيه اللى كل خير
على العموم حصل الخير ونعم بالاجواد.

وان كان ضايقك سؤالى عن القصيدة اطلب من المشرف يشطبه

ونعم صدقت
وماقل دل وزبده الهرج نيشان// والهرج يكفي صامله عن كثيره

[wolf_]

اذا تقول راكان لم يقول هالقصيده؟
بعض الكتاب لايكتبون قصايد راكان لاسباب الله يعلمها

منها قصيدته في معركة العضبااا بين بني هاجر والعجمان واللتي انتتصرت فيها بني هاجر

واخذ راكان بن حثلين يلوم ربعه على الهزيمه ويمدح بني هاجر

العذر يا العضبا ترى البعد خوان= سترش بعيدن غايبن من محله

من طاوع الدامر وشور ابن فاران= اقفى وخلى حلته في المذله

يستاهلون اخواننا عقر الضان= من كان منهم مفلس جاب حله

ربعا هواجر على العسر كرمان =وبشرية للحرب ماهي تمله

[ابن الاجواد]

برق الشمال


شاكر لك المداخله

وانشاء الله انه مابه الى كل خير وحنا اليوم ربع واخوان سواء هاجري او عجمي او جنوبي او شمالي


وعلى قولتهم ماكو الى العافيه

[شمالى.]

wolf انا ابى اعرف عندك مصادر للقصايد هذى
ترا انا بستفيد وانا من عشاق قصايد ابن حثلين يعنى بستفيد منك ..
ترا القصايد اللى ذكرت هى من الروع القصايد بس ابى تكملتها لين صارلى مده وانا ابحث عن قصايد راكان بن حثلين النادره ..


لين بصراحه قريت اغلب الكتب لم أجدها للأمانه
مثل.
كتاب ابن ربيعان
كتاب الضاهرى
روضة الشعر
ابن خميس
من ادبنا الشعبيه
لمنديل
كتاب عبدالله الحاتم
وفرسان الصحراء لعبدالله القحطانى


بختصار انا من محبين قصيد ابن حثلين والقصايد اللى ذكرت بصراحه من اروع القصايد وحرام تصير مجهوله ياليت تفيدنى تعطينى مصدرها وكون شاكرلك
وسلامتك....
وعندى طلب فى قصيدة لراكان بن حثلين اللى يقول

ياشيخ اللى طاربه طير ابابيل=
=وش عاد نقنص به الى جا الهدادى
وش عذرنا فى سوق هجر أذاقيل=
=شيخهم فلاح بالحبل يقادى

كان تعرفها لا تبخل علينا فيها .