حرام عليكم كبرتوها عميدة مرة وحده دايم يكون عميد الاسرة اكبرواحد فيهم
(واراهن ان البعض اكبر منها وانا واحد منهم)
وهي تستاهل تكون عميده وحنا نشرف فيها ونشكرها على تواضعها
وفي المقام الاول\هي اخت لنا ومنها استفدنا اشياء كثيره في هذا المنتدى الطيب
من اول ماسجلنا وحنا نتابع مواضيعها ونتسابق على قراءة مواضيعها للفائده
لدرجة ان حنا ننصح خواتنا واهلنا ونقول لهم (اذا دشيتوا المنتدى اقروا مواضيع هند وتابعوها)
لثقتنا فيها وفي ماتكتب
1-ماذا تعني لك هذي الاسماء (هند) ..(السؤود)؟
2-اشوف بعض المرات انتي متواجده ولا تشاركين في المنتدى ولا تشاركين حتى في مواضيعك ممكن نعرف السبب؟
3- من وقت طويل (يعني من سنين) وبعض الاعضاء في مواضيعهم جدال وردود الا انتي مواضيعك كلها هاديه وش السبب ؟
عشان اوضح سؤالي اكثر لما يكتب صاحب الموضوع طرح تجية ردود مخالفة للطرح ويصير جدال بين شد وجذب الا مواضيعك
4-وش تنصحين المقبلين على الزواج او المتزوجين حديثاً او الجميع؟
5- وش يعني لك (الصدق)(الوفا)(الصداقه)(الحب فالله)(الكرم) (الجود)(الشجاعه)(الصبر)(الام)(الاب)(التوكل)اكتفي بهذي ماابي اثقل عليك
6-عندك ثلاث وردات لمن تهدينها؟الاولي والثانية والثالثه
7-موضوعك الكشكول الاول والثاني من المواضيع المميزه من صاحب فكرة وضعة في المنتدى انتي او المقربين منك ؟
8-عندي سؤال يقلقني كثير ..في مواضيع القسم الاسلامي واحاول اتجنب هذا القلق ..لما احاول الرد على موضوع او (كتابة موضوع) اخاف الناس تحسب ردي رياء او محاباه لكاتب الموضوع
مع ان القسم للفائده بس اني احاول اتجنب الرد حتى لايقال اني اجامل او انها رياء وسمعه..وش تنصحيني فيه لتجنب هذا القلق هل اكتفي بالقراءة فقط ؟او بعد القراءة اشيد وادعوا للصاحب الموضوع ؟
9- وش رايك في الشاعرات,,طبعاً انا اقصد الشاعرات اللي يظهرون للناس بالصوت او الصوت الصورة ..مو الشاعرات اللي يكتبون فقط ولحد يعرف عنهم شي ؟
10-يقول المثل (القناعه كنز لايفنى)... وش(الكنز الذي لايفنى)..غير القناعة في نظرك وبحسب خبرتك في الحياة؟
ودي اسأل اكثر بس يمكن اثقل عليها لانها كنز معلومات نبي نستفيد منه ونبي نستغل هذي الفرصة
ولا ننسى شكر اخونا الغالي العابر على الاستضافة
13-05-2013, 12:18 AM
العرض العادي
