يسعدني ان اقدم لمحبي الشعر قصائدي

[فيصل العويد]

( قصة غلاك )


يا اللي على بالي بطيفك تمرين... وش كثر صار الشوق لحظة غيابي
ادري باجاباتك قبل لا تحكين... و هذا قصيدي جاك ينقل اعتابي

على كثر ما شاف قلبي من البين... اخفيت عن نظرة عيونك صوابي
مدري متى باهموم قلبي تحسين... و انتي سبب كل الجروح و عذابي

امد لك صادق غلاي و تصدين... و لا اذكر اني عنك رديت بابي
مدري دلع و الا علينا تغلين... و الا خلاص.. و ما حسبتي احسابي

قصة غلاك اللي لها عدة اسنين... صارت ملامحها بعيني سرابي
خايف يجي يوم و على الحب تبكين... ليا توارى حبنا بالترابي

و يا شينها لقفيت و انتي تنادين... للذكريات و ما مضى من شبابي
و يطري عليك احساس قلبي بعد حين... وتدرين ليش اعلنت رحلة ذهابي

[فيصل العويد]

(( راحت للندن ))



دقت وهي حيل محتارة=والنار بضلوعهااا حية

من ضيقة الصدر منهارة= وادموعها ماهي اشوية

حل السفر قبل تختارة= وهي مالها بالسفر نية

لو ما المرض زاد اثارة= ماحطت بخافقي كية

طفيت صدري بسيجارة= وافراق وشعاد بيدية

راحت للندن بطيارة= علا الخطوط الكويتية

ومن جوها الزين وامطارة= زاد جمال ورمنسية

وجتني عقب يوم ببشارة= تقول ابشرك بلجية

دكتورها طالت اسفارة= عنده اجازة سنوية

تو الفضا شعت انواره= مع جيتك يا اجمل ابنية




اخوكم :/ فيصل العويد

[مقبل العرجاني]

لاهنت وتسلم يمناك وصح لسانك

[فيصل العويد]

بسم الله الرحمن الرحيم



اخواني اخواتي الأعضاء المحترمين


تابعوني يوم السبت المقبل الموافق 17 / 9 / 2011

علا قناة مباشر في

برنامج أنفاس القصيد

من الساعة 9 مساء الي 11 مساء


اخوكم :/ فيصل العويد

[مزبنة 711 الجأإأإني]

اللـــــــ&&ــهـ عليـــــــــ???ـــكـ

قصــــــأأأأأيدكـ قمـــــهـ ف الررؤعـــهـ

عســــئ رربي يحفظـــ&ـــكـ

نحتــــرــري جدييـــــكـ

[فيصل العويد]

اخواني اخواتي الاعضاء
المحترمين


اسمحولي علا التأخير واني ما قدرت ارد علا مواضيعكم واسألتكم

جأت هذا اليوم هني لكي اضع بين ايديكم جديدي وادعو الله ان تنال علا اعجابكم وانتضر ردودكم الجميله



هذاك باب الهجر.. من دون رده=روحي.. متى صار الغلا بالغصيبة؟
و إبكي على عهد الغلا و الموده=وقت مضى حتى البكا ما يجيبه
كنتي على عرش الهوا مستبدة=غرك دفا قلبي و عطفه و طيبه
اصب لك كاس المحبة و امده=و اشتاق لك و انتي بجنبي قريبة
يا كثر ما قدمت.. لاجيت اعده=و يا كثر من نامت ضلوعي عطيبه
حتى وصل غدرك مع الوقت حده=و صار الحبيب يخون عشرة حبيبه
حبل الغلا نرخيه و انته تشده=لين انقطع و المستتر بان عيبه
و اليوم نفسي للجفا مستعده=اللي يدور غيرنا وش نبيبه
هذا جزا الخاين و صدة بصدة=جيتي غريبة و اتركيني غريبة
و آخر كلام و لا انتظر منك رده=حطيه في بالك و كوني لبيبة
ماني من اللي يلمس الدمع خده=نفسي عزيزة رغم هول المصيبة
و لا اقول شي الا ليا صرت قده=روحي...ترى حبك دنا من مغيبة

[الاصيله]

صح لساانك وعلى شاانك

كل الشكر لك على القصائد الجميله