! .. [[ سـجّـل دخـولـك لـ المنتدى بـ بيت شعـري ]] .. ! ( 5 )

[روح مغليها]

’




غيم وسحآب و جو مآطر وجذآب
..... يشرح صدر من ضآق , صدره و بآله !

ي الله تديم الغيث ي رب الآرباب
...... يوم إن كلٍ .. بـ المطر ( زآن حاله ) !

[ابورامي]

ياالله ياربي ويارب لرباب/ /انك تجينا بالحيا ء كل ليله

الين تخضر داري ودارلجناب/ونعيش في نعمه سنين طويله

[●• Ŝђǿǿq •●]

لآ من لمحته ، قمت أرحب وأهلي
و أجيه من أقصى الضمآير وأحبه !!

وَ اللي يقول : آلحـُب دربـه تغليّ
[ السيطره خارج نطاق المحبه ] !!

[ضنـاني الشوق]

,،

لاسكر الله باب .. يفتح لنا ابواب
وأليا ظلمونا خلق سخر لنا خلق

حكمه من الرحمن واحكامه اسباب
حتى نعرف الناس .. ونميّز الخلق

[ابورامي]

ماقلت لك قبل امس ناظر حواليك/ولاشفت منك الا علامات تطنيش

الله يجمل مابقاء من لياليك/ وتمطر عليكم صادقات المراهيش

[●• Ŝђǿǿq •●]

فرقا البنات ولا فراق الحلاحيل
موتي ولا موت الشجاع المحنّك

رجال فيه يعوضون الرياجيـل
ورجال يابعد العوض فيه عنّك !

[قبلة العذارى]

السلام عليكم عقب غيبه


ياشوق انا عنك ظروفي حدتني
مالي على المسيار يمّك وسيله


مرور عابر


سلامو عليكم

[الاصيله]

ماهوب كفو الوقت حبك يمحّيه
ياللي تخاف صروف الايام تمحاه


ارتاح دام ان المواصل يقويه
انت . انت وانا . انا وقلبي هو إياه

[ابورامي]

دخيلك ترفق بي تراني انا انسان /وعالج جروح اللي ترجاك بحساني

مريض الهوى ماحديداويه يافنان /سواك انت وحدك تسعف جروح وجعاني



وبس

[●• Ŝђǿǿq •●]

الشعْرْ ماْعجز عنْه لو الظروف اتحدا ..
............... دآيم وانا هآجسي موجود في حلّته ..

أما هجيت ( الكريم ) اللي مسوّي ردا ..
............... ولا مدحت ( البخيل ) اللي دمح زلّته ..