الشيخه شيخه كانت هنا....

[الشيخه شيخه]

يقول من جرب حياة المحبين
من فرقة الاحباب ماشفت راحه
من فرقة الاحباب مانامت العين
والقلب خلف الصدر يطلع فواحه
ليل المحب يشبه ليالي المساجين
يااشهد على نفسي واقول الصراحه
يمر ليله بالجفاء والمظانين
ويزيل همه لاقدا قبل صباحه
للضيق والراحه لمن حب وقتين
وقت الجفاء لااليوم جهزمراحه
عزي لمن مثلي له شهور والسنين
يمسي يعاني هم سبب صياحه
خلي جفاني والجفاء موقفه شين
والقلب من فرقاه زادن جراحه
ابات ساهر واسعد الناس ممسين
كني مسافر مالقي لاستراحه
كم ياليالي قد مضت نومها دين
والقلب بالونات كاتم نياحه
حبه جرى مجرى دمي فالشرايين
وله قصر في جوفي وسيعٍ بساحه
ياويح قلبي كم تماسيت مابين
هم وكدر والوقت يطوي وشاحه
قلبي تعرض للخطربين سهمين
سهم الجفاء والسهم لأخركفاحه
قلبي غدا ياناس مقسوم نصفين
من يوم صوب له حبيبي رماحه
فلا ذكرته يصبح الجرح جرحين
والقلب لاشافه يزيد إنشراحه
واناعلى فرقاه ذقت الأمّرّين
مرالفراق ومٌر بعد المساحه
اضحك واسولف للمسافير باللين
اظهر سلى واخفي من الهم ساحه
من جور مابي في هوى داعج العين
اخفي سراير في ضميري مباحه
والقلب في سجنه مقيد بقيدين
عسى حبيب القلب يطلق سراحه
اصبحت في حبه كسير الجناحين
مثل الصقر ذي خاذلنه جناحه
له في كياني قصربين البساتين
والورد والازهار من كل واحه
قد مر من لقياه تقريب عامين
من يوم كنا نلتقي فالبراحه
ليته يزور ديارنا بعديومين
وإلا الزمن يسمح بفرصه متاحه
وليت الزياره تشترى بالملايين
لاأشري لخلي تذكره للسياحه
وليت المحبه سافرت للمحبين
لا اروح اداوي خاطري من جراحه
مافادني دكتور لندن وبرلين
ولانفع دكتور طب الجراحه
سافرت انا لندن وقضيت شهرين
من شان ينعم خاطري بإرتياحه
ولا وجدت اعلاج عندالمداوين
واعلاج قلبي عندخلي صلاحه
لي خل مبعد مازد أشتاف بالعين
مواسم من عبر للفيافي رياحه
واهدي تحيه عاطره توصل الزين
وارجو على التقصير منه السماحه

[الشيخه شيخه]

ليتني !
ليتني طوولت باالي قبل يعلن فرآقه !!
سامح الله طبعي ..اللي للتغْير يالعلْه ؟؟

[الشيخه شيخه]

جيتك آسألك وآبيك ترد لي جوآب ..

آلجرح لـو كآن من غآلي ، يطيب ؟

[الشيخه شيخه]

صدمه؟ بسيطه هَوان الحال؟ مرّيتـه
مقرود؟ أدري وإذا حرمان؟ عدّانـي

ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!

ياما ويامـا مـن الخـذلان عديتـه
إلا بصاحبْ بعد عِشـره تناسانـي

[الشيخه شيخه]

خاوا جروحه وخلاهـا علـى ربّـه
ذي آخر أخبار ( قلبي ) يا مشاويري

كله ذهول !! وهبـوب الغبنـه تهبّـه
مغبون .. وعتابه اصدق من معاذيري

القلب : ( مركب سهر ) والريح تلعبّـه
والموج ما يرحم ذنوبـي وتقصيـري

والحب : غبّه ورى غبّه ورى غبّـه
فقدت فيها ثـلاث اربـاع تفكيـري !

مرات اقول الخطا مني وانـا السبّـه
ومرات اقول السبب قسـوة مقاديـري


واااعيني اللي تهـل الدمـع وتصبّـه
على فراق ٍ سرق فرحـة تباشيـري

تقول سامح زمانـك والحـزن خبّـه
واقول منهو يعوضنـي مخاسيـري ؟

وشلون اسامح زماني واللـي آحبّـه
خذاه غيري وانا اولى فيه من غيري !!!!

[الشيخه شيخه]

الكل منا .. حزين .. وحالته / حاله !
ضقنا .. وحتى الزمن .. عيّا يجاملنا ،
غبنا .. وكلٍ مشا في دربه .. لحاله ،
شفتي كلام العذول .. لـ وين وصلنا !!

[الشيخه شيخه]

أحسآس رآئعَ
عندمآ تكُون في امس الحآجه الى شخص ..
لتسند اليه رأسك وأَنت منهآر كليآ
تجده قبل ان تتكلم…!
يمسكّ رأسكْ و يضعهَ على كتفه ~♥

[الشيخه شيخه]

تراني كنت متوقع تصـدق هرج خلق الله
ولكن ما توقعتك تسولف بي لعذالك !
تبي تنساني ! ( إنساني ) .. فداك اللي مضى كله
يجوز أحيا من فراقك مدامي ميِت بوصالك !
ترى ما يجحد الواقع سوى خـلٍ نسـى خله

[الشيخه شيخه]

اليا ضحكت بـ كل لحظة تذكرّت ..
.. إني بدونك , وأستحي من حنيني

يعني : (وفا) لا من ذكرتك تكدرّت
… ولو ماتحسّه يكفي آحس فيني

[الشيخه شيخه]

جيت اعاتبها وفي قلبي زعل قلت ابجرحها واعلمها الخصام
وساعة اللي شفتها قلبي خجل ضيعت في حلو ضحكتها الكلام


كنت اتوعد وناري تشتعل ناوي اقلبها على راس الغرام
مادريت ان الحكي امره سهل بس وقت الجد ضيعت الكلام


فز قلبي صوبها مثل الطفل ونام في جفني وله عيا ينام
صار في الدنيا انا عندي امل والسوالف مرت مرور الكرام ..