.... (( قــول : إلـــى بـخـآطـــرك )) .... (3) New

[@نـــورهـ@]

ودي اهدم كل سور وكل باب وكل سكه
,,,,,,,,, دام ما للصدق في درب الهوى باب يودي


وازرع بقلب الهدوء الزايف المكذوب ربكه
,,,,,,,,,,,,, لين ينساب الالم في كل عضوٍ كان ضدي

ودي اعقـــد للحـــرايب موعـــد مامنه فكــه
,,,,,,,,, ودي اقلبها تحدي ,, في تحدي ,, في تحدي

والقصيد اللي قضيت العمر في نظمـه وحبكه
,,,,,,,,,,,,, بـ أتركه مادام نظمي للشعـر ماعاد يجدي

وإنت ياقلبي دخيلك لو فتح لك باب صكه
,,,,,,,,,,,,,,,,, لا تأمل كلها البيبان ماعادت تـودي

[@نـــورهـ@]

أحياناً الناس تجرح دون ماتدري
وأنا من الناس شلت جروح بالجملة
بس أنت طعنتك غير وخنجرك مبري
وكتوفي الحمل ماتقوى على حمله
قلت إنتهينا خلاص وسيّلت صدري
أحدّ من سيف صدّك حدّة الجملة
ياحظ عينك تنام الليل ماتسري
للموعد اللي تفرق شملي وشمله
ماعشت مثلي حزين ومنظرك مزري
تفضحك عينك بعين اللي تبسّم له

[دايم اهذريبكـ]

باكووو

مَآ فِيه كَـسر الاّ لقَى لَه جَبيرَه
مير آلبَلآ وِش يجبر كسُور الاحلآم

[ناصر العسكر]

السلام عليكم ورحمة الله وبركاته

صباح الخير ..




من بغى الفرقا لقى له عذر وأسباب ودليل
خل عنك العذر والأسباب دام الحب ضاع



كان ودك بالفراق .. ابشر عسى عمرك طويل
لا تردد وانت لك كلمه ولك أمرٍ مطاع

[@نـــورهـ@]

وعليكم السلام ورحمة الله وبركاته




ارررحبوواا


دنيآ .. بدونك يابعد كل من كان
وش عاد ابي فيها وليه ارتجيها !
آعيشها وحشه وضيقه وحرمان
استغفر الله / مير ماعاد ابيها
ثيابي اشبه في غيابك بـ.. الاكفان
وايامي بلياك / تبت يديها !

[دايم اهذريبكـ]

وعليكم السلام

كنت أتوقع لا تضايقت " ابلقاك ..
...............لكن حسافه بحاجتي "مالقيتك

[@نـــورهـ@]

احتاج لك في ضيقتي لاتضايقت
واشتاق لك والشوق غلاب دايم
,,
تبي الصحيح ! ..اشتقت واشتقت واشتقت
اقطع من الضيقه فجوج الخرايم
,,
محتاج افضفض لك .. بعد ماتطرّقت
لـ طعوني اللي عند غيري غنايم
,,
اضحك وانا لاراق جوي ولا رقت
واسهر وكلٍ في حلا النوم نايم
,,
من صكة اقدار الزمن مابعد فقت
في داخلي من جور وقتي هزايم

[ناصر العسكر]

البقى

يقول من عدا على راس (مطلول) ....يبغي من الهموم يرتاح باله

^
^
محاوله شعريه


(مطلول ) جبل فى متالع فى الوادي

[@نـــورهـ@]

لولا الغلا .. يابو ( هلا وآمر وسمّ )
ماكان والله من كلامك .. تضايقت !
,,
لكّن .. كل اللي تبيه ( ابشر وتم )
لو انني من صدمتي .. مابعد فقت
,,
في ماحصل فكرت بـ.. الكيف والكمّ
فيك انت ّ .. والا فيّ / يومي تعلقت !
,,
كتبت لك .. ( ودّي وتقديري الجمّ )
وقلبي كتب لك من وراء ضلوعه ( اشتقت )
,,
ولو قلت كم جرح ٍ مع الوقت يلتمّ
جرح الشعور / يزيد شرّه مع الوقت

[ناصر العسكر]

ارحبي ان كان جيتي في محلك
دارك العينين والخفاق بيتك

المحاجر والمشاعر تســـتهلك
ارحبي مية هلا واهلا فديتك