انادي بالوصال احيان ،، وادعي بالفراق احيان لـ ابعاد التركي

[قبلة العذارى]

سلام عليكم ورحمة الله وبركاته


واسعد الله اوقاتكم بكل خير



درّه لـ ابعاد التركي آمله ان تنال على استحسان ذائقتكم


اخليكم معها

الا يالله لا تقطـع رجـا داعيـك ،، يـارحـمـن=يا علاّم الامـور الخافيـة والضيـق ،، والشـده
على بابك واناشدك العفـو يـارب ،، والغفـران=وفيضٍ مـن عطـاك ،، ورحمـةٍ ماهيـب منـرده
خذتني (لوعة الوقت) الصعيـب ،، مفـرق الخـلان=وقلبـي ضامتـه سـود الليـال ،، وبيّحـت سـده
انادي بالوصال احيان ،، وادعـي بالفراق احيـان=واخفي غايـةٍ فـي داخـل الوجـدان منضـده
احسب ان الخطا مردود ،، (والاحسان بالاحسـان)=واحسب الجرح يبرى ،، والسنيـن تقصـر المـده
واحسب ان "العهد" بيتٍ قـوى ،، شامـخ البنيـان=عسير الوقت لـو هـد الجبـال الصـم ،، ماهـده
واحسب البعد تجفاه القلوب ،، ويسكـن الاوطـان=واحسب ان المفارق يتعـب المشتـاق ،، ويـرده
واليا مريت يالصوت البعيد ،، وجابـك التحنـان=معك قلبٍ (يتـوق) ،، ومعـك قلـبٍ (مخلـفٍ وده)
تواعدني مواعيـد السـراب لخافـق الضميـان=و تتل الـروح منـي ،، والنظـر فدروبـك الـده
واجيك بخاطرٍ يشري رضـاك (بغالـي الاثمـان)=وعنك والله اني ماعرف الهجـران ،، والصـده
ابد ماكن به غيرك على وجـه البـلاد انسـان!!=عليـك (الـروح) تولـه ،، و(النوايـا) معـك منشـده
الين ارخصتنى ياصاحبي ،، فالموقف الخسـران=وذقت الغـدر منـك بطعنـة فالصـدر ممتـده
عسى ربي حسيبك !! ،، كيف قلبي في يدينك (هان)؟؟=وانا مثل اليتيم اللي (نثر دمعـه علـى خـده)
خذاك الزود ،، واعماك الغرور ،،وجابك النقصان=تقول الحق ؟ ،، ولا تنكره ؟ ،، ولاّ تجي ضـده
على ماتشتهي روّح ركابك ،، والعـذر لـه شـان=مثل ماقيـل: " كـل يلبـس ثيابـه علـى قـده "
عسى لى منك مسرا يقتفيـه (البعـد والنسيـان)=وهجرٍ ماتجي لـه فالضلـوع النايحـة ،، رده
وعسى (قلبٍ يميل) ،، وينتزع لك داخل الوجـدان=تمثناه الرمـاح النافـذه فالصـدر ،، وتلـده

وبس


سلامو عليكم

[بدر بن سفر]

قبلة العذارى

لاهنتي على النقل

والله يعطيش العافيه

[الـنايفه]

انادي بالوصال احيان ،، وادعـي بالفـراق احيـان
واخفـي غايـةٍ فـي داخـل الوجـدان منـضـده
احسب ان الخطا مردود ،، (والاحسان بالاحسـان)
واحسب الجرح يبـرى ،، والسنيـن تقصـر المـده


صح لسآن شآعرهآ.. وتسلمين حبوبه على آلآختيآر ..آلذوق

كل آلود

آم خآلد

[قبلة العذارى]

بدر بن سفر


يعافيك ويسلمك


ولاهنت على المرور الكريم

كل الشكر

[قبلة العذارى]

ام خالد


يسلمتس ويرضى عليتس


ولاهنتي على المرور العطر


دمتي بكل خير

[سند]

صح اللسان شاعرها وناقلها

الله يعطيج العافيه


تحياتي ,,

[قبلة العذارى]

سند


صح بدنك


ولاهنت على المرور

[بندر]

الله الله

اختيار رائع لشاعره رائعه

من وكيلتها المعتمده

لاهنتي قبله

[قبلة العذارى]

بندر


الاروع مرورك العطر


ولاهنت



كل الشكر

[مهرةٍ اصيلة]

واحسب البعد تجفاه القلوب ،، ويسكـن الاوطـان=واحسـب ان المفـارق يتعـب المشتـاق ،، ويـرده
واليا مريت يالصـوت البعيـد ،، وجابـك التحنـان=معك قلبٍ (يتوق) ،، ومعـك قلـبٍ (مخلـفٍ وده

الله .. الله

ابد ماكن به غيـرك علـى وجـه البـلاد انسـان!!=عليك (الروح) تولـه ،، و(النوايـا) معـك منشـده

ماكن به غيرك إنسان

وعسى (قلبٍ يميل) ،، وينتزع لك داخـل الوجـدان=تمثنـاه الرمـاح النافـذه فالـصـدر ،، وتـلـده

وتقولين بأخر موضوعـك ((وبس )) وش غير ذالرائعه ياقبله تبين ؟؟!!
حرام عليـك ..


.,.,.,.,.


قبلـه العـذارى ..

صح لسـانـك ولسـان شاعرتهـا أبعاد التـركي ..

وتسلمين على النقل الرائـع ..

لاتحرمينـا من ذالإختيارات الدُّرر..


تقبلي كل الود ..

إختـك .. مهرةٍ اصيله