ســـــــــــــبـــــــ7ـــــــــــــــع اســـــــــــــــــــئلــــــــــ7ــــــــــه

[مشاري القحطاني]

صلوا على النبي

ذعذع نسيم الليل والمعنى على روس الهضاب = وطيور فكري فالصدر قامت تجر إلحونها
وانا ليا شفت السحاب اللي يعانق له سحاب = اقوم اركب كل جمره من على غليونها
شاعر ويغريني قلم جيبي وصفحات الكتاب = تقول كن القافيه ليلى وانا مجنونها
صحيح اغيب من الشعر لكن اجي عقب الغياب = اداحم الشعار واكسر روسها ومتونها
والمستشكه مالها ياكون صوط من العذاب = اما يدق ضلوعها والا يخز عيونها
بس المهم اسمع كلامي وافتهم واحسب حساب = للكلمه اللي ما جهل راعي العقل مضمونها
كلمة وفا من ثقلها تبرك لها عوج الرقاب = والرابح اللي لا مشى يمشي على قانونها
اقولها للعالم اللي بين ضرس وبين ناب = موج البحر قدامها وفج الخلا من دونها
اللي طلع يم السما والله مردّه للتراب = هذي حقيقه والحقيقه ماتغيّر لونها
ياربعنا مالي عليكم غير مشروه وعتاب = اسوقها سوق الرعاة اللي تسوق ضعونها
في خاطري سبع اسئله وارجوا التكرم بالجواب = على النقا ياربعنا هقواتها وظنونها
ليش القلوب البيض راحت كنها ريش الغراب ؟= وليش الجما يهل الجما قامت تطيح سنونها ؟
وليش الصقور ام الوكر تخشى من إطيار الذباب ؟ = وليش البيوت العامره عاث الدبا بركونها؟
وليش الجهل ترثع ذلوله في صناديق اللباب ؟ = وليش الشجر ماتلتفت لـ اوراقها وغصونها؟
وليش الجفا والغطرسه والتفرقه بين الشباب ؟ = ذولا عيال ظهورها وذولا عيال بطونها
ماكننا نسل الرجال إمروية علط الحراب! = اهل السيوف اللي من إدمي العدا يروونها!
العزوه اللي فالمواقف ماتذل ولا تهاب = ستر البنات اللي من الغبنه تشق إردونها
وماكننا شوق العنود اللي زهت حلو الخضاب = وماكننا من سدت البيبان كبر صحونها
حنا لبسنا المدح يارجّال ملبوس الثياب = لكن بقعا ما يخلي حبها طاحونها
ماعاد باقي فالمزاهب لا طعام ولا شراب = ماعاد باقي غير خنجرها وحر طعونها
واقرب دليل اللي حصل عاما على خرج الزهاب = في ساعةٍ كل النفوس مكيمٍ طبلونها
احدٍ غواه ابليس من درب الهدايه والصواب = واحدٍ على توجيهته من وين ماتبغونها
يمشي كذا (من وين ماتبغونها) مشي الدواب = الله يصبر حرمته والله يكون بعونها
ياللاسف جينا على وقفه ولفه وانقلاب = إلين صرنا قصةٍ كل العرب يحكونها
كم مرةٍ حاولت اغطيها من الناس القراب = لاشك ثارت قنبلتها وانفجر مكنونها
لا يا قهر صدري ويا همي وياكبر المصاب = من دورة الدنيا وقلبتها وكثر غبونها
اللي بقوله فالنهايه يامواريث الذياب = تكفون ثم تكفون ثم تكفون لاتنسونها
تكفون يازبن الدخيل ويا عزيزين الجناب = نخلة مهنا لا تموت وينكسر عرجونها
الدين رحمه والوصل مامن وراه الا الثواب = والا القطاعه بنت كلب وماتكد قرونها

وسلاااامتكم جميع

[مناحي الصميل]

الله الله الله الله الله



العـزوه اللـي فالمواقـف ماتـذل ولا تـهـاب // ستر البنات اللـي مـن الغبنـه تشـق إردونهـا
وماكننا شوق العنود اللي زهت حلـو الخضـاب // وماكننا مـن سـدت البيبـان كبـر صحونهـا
حنـا لبسنـا المـدح يارجّـال ملبـوس الثيـاب // لكـن بقعـا مـا يخـلـي حبـهـا طاحونـهـا


كفووو يامشاري كفو الله اني صادق

وصح الله لسانك مدد بلا عدد يالأأمير


ولا هنت يالسنافي على الجزله

[محمد بن سعود]

حنـا لبسنـا المـدح يارجّـال ملبـوس الثيـاب = لكـن بقعـا مـا يخـلـي حبـهـا طاحونـهـا

الله يا مشــاري

أبدعــت يالقحطاانـي


وصح لسانك ولاهنـــت

سجل اعجابي ومتابعتي لك

أخيك

[(هاوي قصيد)]

مشاري القحطاني ,,,

الله الله الله الله
ارحب ارحب ثم ارحب والله اني صادق
صح الله لسانك ولاهنت يالذيب , جزله ولا تجيب الا الجزل
دام ابداعك
تقبل مروري

[هادي بن شدقان]

صح لسانك يالقحطاني


جزل مافيك حيله



مع تحياتي

[سالم الرتيبان]

صح لسانك اللهم صلي على النبي
جزله من شاعر جزل
تقبل تحيات مودعك
سالم الرتيبان

[مشاعر حالمه]

كم مرةٍ حاولت اغطيهـا مـن النـاس القـراب
لاشـك ثـارت قنبلتهـا وانفـجـر مكنونـهـا
لا يا قهر صدري ويا همـي وياكبـر المصـاب
مـن دورة الدنيـا وقلبتهـا وكـثـر غبونـهـا
اللـي بقولـه فالنهايـه يامـواريـث الـذيـاب
تكفـون ثـم تكفـون ثـم تكفـون لاتنسونـهـا
تكفون يازبن الدخيـل ويـا عزيزيـن الجنـاب
نخلـة مهنـا لا تمـوت وينكسـر عرجونـهـا
الدين رحمه والوصـل مامـن وراه الا الثـواب
والا القطاعـه بنـت كلـب وماتكـد قرونـهـا


صدقت صدقت صدقت اي والله

الدين رحمه والوصل مامن وراه الا الثواب والا القطاعه تقطع الرزق وتبيده

ماشاء الله علييييييك والله جزله واعجبتني

مشاري القحطاني

صح السانك يالقرم ولاهنت

تحيتي لك / مشاعر حالمه

[@بنت الشيوخ@]

لاهنت....لاهنت...

صح لسااانك....

تقبل مروري..

أختكــ

@بنت الشيوخ@

[فهيد بن عصيدان]

ماشاء الله لااله الا الله

مشاري

صح لسانك

ولاهنت

[قبلة العذارى]

راائعه رااائعه رااائعه



مشاري القحطاني



صح لسانك ملايين منّا لين ترضى ولاهنت جزله من راس جزل




تقبل مروري ومتابعتي وسجل اعجابي بنزفك الرائع



سلامي