كلنا من رووس قوم وكلنا ذربيني اهداءللاوح

[السياسي]

اهدي هذه القصيده الى الاخ العزيز الادوح
على استجابته لنا ولإخوانه الاعضاء ,
وهو عزوفه عن قراره في الخروج من منتدى العجمان



ياهجوس ٍ عنّت الساهر وشقّت جيبه= وضيّقت صدر المشاعر وِدّها تِبكيني

(ول) يابعض الهجوس انشهد انها مصيبه=لا لفت كنها تشتـّت كل فرحه فيني

مدري هي لحظة تعاطف او جهل او طيبه= الوكاد انها بدت بي بس ماتنهيني

ولاّ انا وش لي بها ولاّ اسمها وش ليبه=دام عقلي ماقبلها ودربها دربيني

ماعرفت اضحك نفاق ولا عرفت ابكيبـِه= يعني ببطي ماعرفت العب على الحبليني

لا ضحكت اضحك وصوتي ضحكته تدويبه= ولا بكيت تشوف دمعي في محاجر عيني

ولا فرحت الناس تقرى فرحي وتدري به= ولاحزنت تشوف حزني في جيبن سنيني

مالي الاّ وجه واحد مقبل ومقفيبه=وكلمتي وحده مع الاقصينِ والادنيني

يعني واضح والوضوح احدى سمات الهيبه= واحمد الله قدرنا مافيه شور اثنيني

جاهنا عند النشاما طيّب ونحريبه=ومعرفة ربع الوفا والمرجله تكفيني

والصراحه يالسنافي مااستوت بالغِـيبه=(لحيتي تكرم وتكرم لحية الوافيني)

النميمه من عشقها ياعساه الخيبه=( والفتن) ماهوب انا اللي يستمع (لفتيني)

نحشم كرام اللحى من هرج ود وجيبه=ونحشمك من طيب ربعك وانت من غاليني

ومن يقول الحق قلنا جعل ربي يثيبه=ومن يضيّع حق غيره ضاع له (حقيني)

ومن تعجّّل في كلامه فالزلل يومي به =ومن تركّد شاف وقع الهرج فوق الزيني

وكلنا نخطي وكلن عارفن وش عيبه= وكلنا من روس قوم ((وكلنا ذربيني))

والعمر لو طال ماحد(ن) عارفن ترتيبه=ياعسى الله من وصل الاجواد مايِـخليني


الشاعر محمد فهد العرجاني



السياسي

[أبوعمير]

الله لا يهينك يالسياسي

وصح الله لسان محمد بن فهد

والأدوح يستأهل منا وأكثر


أبوعمير

[السياسي]

ارحب يا بو عمير وما عليك زود يا السنافي وصح بدنك



السياسي

[الأدوح]

لاهنت يابن عمي واهداءك على العين والراس واسمحلي ترى ماشفت اهداءك الا الحين وابشر بالرد واتمنى ان يحوز على رضاك............

يقول من هو سهر الليالي ولا بات =كم ليلـةٍ مـرة سهرهـا لحالـه
قلبت دنياي علـى سبـع جهـات =وعيت تساعدني مشـي العدالـة
وحاولت امشيها على الكيف ماجات= ازريت اثبـت الرشـا بالمحالـة
واطرا علي اللي يحل الصعوبـات= مثل جبـل راسـي وكـلٍ عنالـه
سياسي له في ساعة الضيق وقفـات =وكلٍ ترى معروف جـده وخالـه
ابزبنـه واخلـي اهـل التلـوات =اللي نعم قسمه ليا جـاء مجالـه
والناس قالوا مات واقول مامـات= الشامري اللي مات جاء مـن بدالـه
للعز بيت العز فـي كـل الأوقـات =وينهد بيتٍ مـا يضلـل ضلالـه
واختامهـا منـي بتسـع بويتـات =وارجو السموحة يارجال الشكالـه

تحياتي لك
الأدوح

[العماني]

لا هنت يالسياسي وصح لسانك ويستاهل الأدوح ان تطوع له بحور الشعر.

ونحمدالله يومه رجع لنا.

تقبل تحياتي،،

[السياسي]

ارحب يا الادوح ولا هنت على القصيده الطيبه وما عليك زود يا السنافي


والاهداء اقل من حقك يا ذيبان



اخيك السياسي

[السياسي]

ارحب يا العماني ولا هنت على حضورك وما عليك زود والادوح يستاهل السنافي





السياسي

[ابوحمد الشامري]

لا هنت وبيض الله وجهك يا السياسي وابو فيصل يستاهل المدح ولا قصور في الربع وهو مثل الجبل الشامخ لا هو ولا ربعه.

أخوك ابو حمد الشامري

[سمو الامير]

لاهنت يالسياسي

كفيت ووفيت

والادوح يستاهل كل علم طيب



سمو الامير

[سلطان بن جفن]

صح الله السانك والسانه

والادوح يستاهل ونت تفعل

ولاكن نبغي انشوف رد الادوح وينه يالدوح انت شاعر

ونبغى على نفس القاف لاتحرمنا من ابداعك

اخوكم الصغير
سلطان بن جفن