الجزيره ,, ادخل واعرف السالفه !!

[مناحي الصميل]

واحد كذاب يقول ان ابوه شرى جزيره بالبحر بالقرب من جزيرة ام المرادم بالكويت

وهي عباره عن قطعة ارض وسط البحر


والرجال معروف بالكذب الله يصلحه



وانا اقووووووووول :

سقت الجزاله بالقصيده على شان = صح الله لسانك تبيني وابيها
اما الجزاله عندي اشكال وألوان = وكن الأذاني من سنه تحتريها
الشعر روّضته بحور(ن) وقيفان = ماني مثل مبطي اجي وارتجيها
اما حروفي مثل قوم(ن) وشيخان = تفرض عليك الجزيه اللي تبيها
الحال مبنيّه على شرق لبنان = (( اولمرت )) يضربها متى ما يبيها
احوالنا متقاربه مير شتّان = لبنان تضرب والعرب في عبيها
مدري علام الفكر وش جاب لبنان = حتى السياسه غصب صرنا نجيها
خلنا بصلب السالفه والخفى بان = اخلع ثياب الكذب يامرتديها
حتى لكذبك صارت انغام وألحان = حتى الهضاب العاليه معتليها
يامسيلمه بالكذب لك ميّة لسان = حتى الجزيره بالبحر تشتريها
حنا لنا عقول(ن) وما حنّ بخبلان = انكذّب الكذبه مع مدّعيها
الحال خربانه مع الفكر خربان = اما غنات الروح حن نغتنيها
بس ودّك ان الكذب ياتي بحذران = حتى ترقّع كذبتك وانحويها
ياقصر حبل الكذب سرعان سرعان = ما نميّز الطيّب ونكشف رديها
قد قال حكمه شيخنا القرم راكان = وانا ارفع بصوتي ابي انتخيها
(( ما قلّ دلّ وزبدة الهرج نيشان )) = واللي يطوّل هرجته راح فيها
وختامها ربي عزيز(ن) ورحمان = خلّى محمد للرساله نبيها

سلامتكم

مناحي بن فهاد الصميــل

[محمد المجول]

كاسب الطيب

صح الله لسانك

قصيده جزله من راس جزل

تقبل تحياتي

[مناحي الصميل]

ارحب يالصحفي

وحياك الله

وصح الله بدنك طال عمرك

ولا هنت على المرور ..

[كـميّخ الهاجري]

صح لساانك اخوي كاسب الطيب

جزله من شاعر جزل

لاهنت بيض الله وجهك


اخوك / كميخ الهاجري

[راعي^الهدبا]

لوووووووووووووووووووول


جزيره مره وحده

جاه اللي كفاه

لا هنت وصح الله لسانك على الإبداع الملحوظ


واحلى بيتين /

قد قال حكمه شيخنا القرم راكـان // وانا ارفع بصوتـي ابـي انتخيهـا
(( ما قلّ دلّ وزبدة الهرج نيشان )) // واللي يطـوّل هرجتـه راح فيهـا


بيض الله وجهك

[مناحي الصميل]

حياك الله ياكميخ

وصح الله بدنك

ولا هنت على مرورك ..

[مناحي الصميل]

راعي الهدبا


صح الله بدنك


ويشرفني حضورك

[مشعل_الميع]

صح السانك كاسب الطيب قصيدة رائعه بنتظار جديدك

[ناصر بن حثلين]

صح لسانك يا كاسب الطيب ومقدي فيه

[نسل الطويل]

اما الجزاله عندي اشكـال وألـوان
وكن الأذاني مـن سنـه تحتريهـا
الشعر روّضته بحـور(ن) وقيفـان
ماني مثل مبطي اجـي وارتجيهـا


كفو والله يا مناحي قدها وقدود


والله لايهينك وبيض الله وجهك
وصح لسانك
وسود وجه مسيلمه



تقبل تحياتي



اخوكـــ فراجــ الحبيشيــــ