0(أبــوي مــذيني على ولــد عمــي ...... وعمـي يقــول البنـت نبــيا لولــدنا)00000

[قبلة شمر]

السلام عليكم ورحمة الله وبركاته

مســى الخير

اتمنى ان تحضى على جزء بسيط من اعجابكم

أبوي مذيني على ولـد عمـي=وعمي يقول البنت نبيا لولدنـا
وأنا حياتي بين هم(ن) وهمـي=يالعنبو سلم(ن) عليه انربطنـا
أنوح ليلي وأزرق الدمع ضمي=جفـون عينـي الهنـا فارقنـا
وصار حالي من بلا زود غمي=كنه غدا اللي منه المـوت دنـا
عزاه والله ضاع تحقيق حلمـي=عزاه والله عيشت(ن) منه ضقنا
وأثر السعادة مالنا فيـه علمـي=كن الهموم امر(ن) عليه انلزمنا
يمه تعالي من عنا الوقت لّمـي=ابغفي بحضنك يا يمـه تعبنـا
مالي سواكم يا هلي منهو يمـي=ودرب الغصايب ماله اليوم معنا
يالله تفاريجك لعبدك المسمـي=ويالله عقب مر الليـال يتهنـا

وسـ لـا مــ تـ كـ مـ

[غازي الرسمان]

قبلة شمر

صح لسانج قصيده جزله من شاعره لاترضى الا بالجزاله
لله درك يابنت الاجاويد
تحياتي

[محمد فهد العرجاني]

ياهلا ومرحبا قبلة شمر



وصح الله السانش ولاهنتي


((وعسى ان تكرهو شيئا وهو خير لكم))



ودعتش الله

[بندر]

أبوي مذيني على ولـد عمـي
وعمي يقول البنت نبيا لولدنـا
وأنا حياتي بين هم(ن) وهمـي
يالعنبو سلم(ن) عليـه انربطنـا

,
,
,
الله الله الله

قسم بالله انش شاعره صح

انا من اول قصيده قريتهالش وانا داري انها ماجات من فراغ

صح الله السانش يا قبله

وتقبلي اعجابي

[وريث العز]

قبلة شمر

صح لسانج قصيده جزله
من شاعره لاترضى الا بالجزاله
لله درك بالقبله



بحفظ الله



اخيش وريث العززززززززززززززززززز

[قبلة شمر]

غازي الرســمان

تسلم على مرورك وتسجيل اعجابك

صح بدنك وما عليك زود

تحيتي لك...

[قبلة شمر]

محمد فهد العرجاني

مرورك شرف لي

صح بدنك ولاهنت


كل الشكر..

[عبدالناصر آل عبدان]

اختي قبلة شمر


الله يوفقك لما يحبه ويرضاه ويستر عليك يابنت الأجواد

وصح الله لسااانك


ودمتي بكل خير


ودعتك الله

[قبلةالعجمان]

الله هالله


صح لسانج ولاهنتي

[شيخة الغنادير]

صح لسانج مليووووون ياقبلــــة شمــــــــــــر

والله يعينج ويعين اللي تجبرهم هالعـــادة واللي تخالف طبيعة الزواج في الاسلام

لأنه الزواج في ديننا قااااائم على الايجاب والقبول بين الطرفين وغير هذا فان الزواج باطل

كان الله في عونج وربي يكتب لج كل الخيــــر يارب