أطلال القصيد

[الشاعر ويكيليكس]

ليل الشتا قفا وجاه الصيف=ليله قصير،، وليلي إمطوّل
يا ليل،، جيتك بس ماني ضيف=على ظلامك،، جيت متسوّل
لو كان ما وقتي سوات السيف=ما كان يقطع ثلثك الأول
من حضرة الماضي لفاني طيف=يرقى رجوم القلب وإيحوّل
ناديت ،، يا اهل الكيف يا اهل الكيف=وقف يناظرني،، ولا طوّل
وإن طوّل التأجيل،، والتسويف =يبقى عليه الهاجس إمخوّل
ماهو من أهل البر واهل السيف=فوق البحر والبر يتجوّل
لو للشعر،، بنكٍ كما التسليف=كلٍ على رصيده إيحوّل
والقاف به ما يقبل التحريف=ما جبت به منقول وإمقوّل
والفكره اللي مالها توظيف=تاتي عقيم،، وتقفي إتشوّل
الليل بارد،، والظلام إمخيف=وانا على الجاكيت ما أعوّل
حطبت،، قافٍ شب،، مدري كيف!!!=شبت كليب،، لضوّه إمنوّل
إمهوّل ،،وقد له شهر ما شيف =ولا دريت إن طيفه،، إمهوّل