أنا على خبرك كما ريحة العود /اذا احترق بالنار يزداد طيبه

[عبرة وداع]

ياحروفي سامريني طول ليلي لا تنامي

وفي بحور الشعر صبي في شراييني بحور


وان فضحت اشواق قلبي لا توريها غرامي

خايف قليب البنيه يدخله بعض الغرور


ياسمينه من شذاها توهتني في مرامي

واستباحت كبريائي وانتشى وقتي عطور


من بهاها قسمتني لين شاهدت انقسامي

نص شفته في يديها ونص ينطرها شهور


شمس كون وداعبتني وانغبن منها ظلامي

والكواكب في مدار الشمس مجبوره تدور


ما يحاليها شبيه وما تشابها الاسامي

وما يوفيها كلام وما يوازيها حضور