الشيخه شيخه كانت هنا....

[الشيخه شيخه]

يسعد صباح عيونها والمظاليل
ويسعد صباح التوتين وبردها
ويسعد مساها لاحظنها مساء الليل
ويسعد مساء ليل تكفه بيدها
بنت البدو مثل الأصيلة من الخيل
بين المهار وكنها اللي وحدها
تسوا بنات الحضر جيل بعد جيل
يالله تبلغني بحالي شهدها
أحبها حب البدو للمعاميل
وأشفق عليها مثل الأم لولدها
ياليت في كل الليال المقابيل
يمناي واليسرى تعانق جسدها


>>>>> احم احم

[الشيخه شيخه]

حياة اليوم ما أبيها ولاني يا عرب شفقان
أنا عاشق حياة البدو والبدوان من ساسي

يا ليت أقضي ربيع العمر بين النوق والحيران
مع البدوان أحب أقضي حياتي والفظ انفاسي

وأحب أتبع قطيع الزمل يوم تسرح القطعان
وأحب الثوب يوم يصير يابس من عرق رأسي

وأحب أمشي وأحب أمرح وأحب الورد بالريضان
وأحب أذكر زمان راح وقلبي ما بعد ناسي

وأحب أمشي ولو حافي وأحب ارقى على الضلعان
واشوف الروض متفتح وبيت الشعر به راسي

وأحب الفجر عند الصبح وأسمع لجة الرعيان
صباح الخير يادنيا وانا كفي على فاسي!

وأحب الماء بالقلبان إذا حسيت أنا عطشان
وأحب الدلو من ينزل أشوفه ينجلي ياسي

سراج البيت يجريني إذا علق على العمدان
يجيب الساري بليله إذا صار الهوى قاسي

[الشيخه شيخه]

حبة خشم ماتهون لكل رجالي=الا رجلاً يعرف اش لون واجبها
ماتنعطى الالكفواً طيباً غالي=واليا لقيت الشكوكي عنه جنبها
خلك عن اللي يشك مشطر الجالي=مادام تسليمة الخشم يتغيربها
امسك طريق اليمين وخله شمالي=وخله يجود هروجه في مزاهبها
تسليمة الخشم رمزاً بالكرم عالي=واهدافها سامية للي يحسبها
وياكثر ناساً تسويها تبهلالي=واهل النفاق ابتلتها الله يعاقبها
اما لاجل منصبً ولا لأجل مالي= ولا لجل حاجتاً تخدم مكاسبها
من اولاً ماتقدم صوب الانذالي=واليوم متربعين فوق غاربها
وقتاً طرد الاولين وشيخ التالي=حتى العجوز اطمعت في بشت شايبها
واللاش صار الزحل والشيخ محتالي=واسياد قبل امس صارت تسيد صاحبها
وقت الرخاء شْيخ اللي يملك المالي=والمال كم رمْتاً طول شواربها
والروس تشكي الزمان وسو الاحوالي=والارجل خدمها الزمان وعز جانبها
كلاً تميدح ومثل سلطة الوالي=وكلاً يقول ان ابوة الجيش متعبها
وابوة ماركب جيشاً والله ابرالي=ولاظلم نفسه ولا اخلف مذاهبها
من ضمن ربعه على العادة ولا زالي=والكذب يكرم جنابه ماتقربها
عوداً حفظ سمعته من قولة وقالي=وحقوق ربعه يقوم بحق واجبها
غير الولد به غرور وضربة اهبالي= قام وضربها بمشطاً مايليق ابها
غرة زمانه يحسبة في الخلا الخالي=مايدري ان العرب تعرف قرايبها
فيالله ياللي على العسرات حلالي=ارفع نواصي هل العزة وقطبها
نطاحة الكايدة لما احتمى الصالي=حماية الدين وان ترفع مواهبها
واغفر ذنوبي واصلح باقي اعمالي=لاجيت في حفرةً غبراً نصايبه

[الشيخه شيخه]

ووووووااااووووو

[الشيخه شيخه]

ناسن يقولـون الخـلا للمهابيـل
يا حيف قولن ما عليـه الدلايـل
وش البلا قالوا سموم وغرابيـل
حتى الهوا ثاير بـروس النثايـل
قلنا لهم يا ناس ما فيـه تحليـل
هذا ولع ما يرمى بالطبـع مايـل
باحساسنا حدر الطلاح المظاليـل
مثل براد جنيـف لفـح القوايـل
قالوا يجينا الذيب لعسعس الليـل
واليا عوا يمكن بالانجـاد صايـل
قلنا لهم سرحان خاوا الرحاحيـل
الذيب هتاشـن بالاقفـار جايـل
اليا استلـج بخالياتـن مطاويـل
نطرب لصوته مع صياح الثعايـل
قالوا حيايـا والعقـارب مخاتيـل
معها الخنافس والقعـر والنمايـل
قلنا لهم من يقرا بالورد ما نيـل
فلا ينوشه فـي مساريـه طايـل
قالوا بعيدن ما يجي فيه كوكتيـل
ولا نشوف الا النيـاق الهمايـل
قلنا لهم مشروبنا البـن بالهيـل
على لهيب الرمث والدعب سايـل
ومطعومنا صيد الجبل والغراميـل
يا حلوها تسوا من الضان حايـل
قالوا عديم من الكنب لرتخى الحيل
حتى السرير سليب هاي وظلايـل
قلنا الكنب جرفن على جاله نقيـل
والا السرير براس طعسن تهايـل
قالوا ديارن ما بها قال مـع قيـل
ولا نشوف من المخاليـق دايـل
قلنا فضول الهرج ما فيه تفضيـل
غير النميمـه والمكـر والحبايـل
يكفي عزيف الريح بين الجناديـل
والطير لغنا وابـو فـلان شايـل
قالوا نريد سلومكم يـا رجاجيـل
اليـا نزلتـوا خاليـات الدهايـل
قلنا الكرم والخير ما فيـه تمهيـل
ومقدرين اهل الفعـول الصمايـل
وانريد حامل دين زيـن التماثيـل
صميدعن مبـداه طيـب الفعايـل
ونزرا على اللي بالخلا يلوي الذيل
مشاكس ربوعه سويـد العمايـل
قالوا خلصنا ما نقـول المخابيـل
الا رجالـن مـن قـروم القبايـل
لاصارت علوم الخلا ما بها ميـل
يسلم هواكم يـا عيـال الحمايـل

[الشيخه شيخه]

الشمس غابت وزالت من عصر والحزن مـــازال
ياويل قلبي من الفرقا ويــاعـــــزي لحـــــــــــالي
أحاول أنسى وانادري وش سبايب ضيقة البـــــال
عزي لمن هو سواتي فاقد (ن) له صوت غـــالي
والله لو أنه درى عقبه وش اللي صار للحــــــال
أنه مايستعجل التــــوديـــــع ويشد الرحـــــــــالي
قبل أمس اشوف الحياه ألها طعم والوان واشكال
واليوم مــــدري وش اللي ســـــوته سود الليالي
أسقـــتـــنــــــي الهـــم كله والشقا فنجال فنجال
وشــــلـــون ابـــرتاح واناضاع مني راس مالي

[الشيخه شيخه]

ياحي ذا العين...

[الشيخه شيخه]

يازيـن فنجـال الضحـى بالـمـراحي...
مسكبـه راعيـه والـنـذل مـاجـاه ...
فنجال اشقـر بيـن نـي او نجاحـي...
يصبغ ابكاس الصيـن كالـدم مجـراه ...

[الشيخه شيخه]

بري حالي لانتهى العصر واعلن الانسحاب
وخلت الشمس الصدارة ومالت للغروب

اذن المغرب وساد الفضى مثل الضباب
ونتهى والليل لبس الاماكن لبس ثوب

وردت همومي على قلبي الصلب الخراب
وردة احيام القوامي على عدن الجذوب

كلها هانت ولا هنت ياهم الغياب
من محبة صاحبك صرت ياهم محبوب

[الشيخه شيخه]

أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله