السلام عليكم ورحمة الله وبركاته
علي الله المعبود كل أعتمادي=ثم الذي من فوق راسه مقصب
ما مثل عبدالله ملك في البلادي=لو يالدن انساء العجم مع نساء العرب
والله بسط سبع الاراض الشدادي=وارسي الجبال وصبها بقدرته صب
ومن فوقها سبعن يليا عمادي=والادمي عن كلشي ن محاسب
ويا الشبرمي ضايع ومخطي وغادي=والناس قالوا قبل من سب ينسب
لا تعتذر وجهك غشاه السوادي=تنبح وينبح من نباحك مئة كلب
هبي بشعري يا هبوب البرادي=وتنسمي في جوف صدر المعصب
الشعر من هجسي وينسخ مدادي=ولا اقول غير الا القصيد المذهب
والشعر للشعار يجهد اجهادي=وانا من الشعار مانيب هايب
شعرن يجي وحده وشعر اعتيادي=وهبه من الخلاق جزل الوهايب
والاسكنريه غير حي المعادي=يا اللي علي ضعف المعاني مهبهب
والقاف من عزمي وقو اجتهادي=يومن بعض الناس يسرق من الكتب
الشعر مقصودي وغاية مرادي=نبني بيوت العز يا ابو مخرب
ما تدري ان الشعر شربي وزادي=ومما اغرفت يمناك من بحرك اشرب
لو الشعر يباع وسط المزادي=كلن علي سوقه من الغث يجلب
عد الروي يملاله الفين عادي=والرس ما يملا سوي خمسة قرب
والعوسجه شجره ومثل الكدادي=لو عرقها من نبع تيماء تشرب
قد قيل كم واحد لحتفه يقادي=وكم واحدن في اسفل جهنم يكبكب
وقد قيل صياد الذيابه يصادي=وقعت لك في وسط عيلم وكوكب
تحت لسانك كبر حب الرشادي=والله وعلم وش وري كل مغتب
ضعيت درب اهل السنع والرشادي=وعز الله انك منت رجلن مشبب
العلم غير الحلم يا السندبادي=ولاني علي اسرار الاوادم منقب
تلقي الخبر في راس حامد وبادي=والنار يسعرها الهوي كل ما هب
خلك علي ساقة كبار البدادي=سج القدم لو كان ما تقضي النب
من لا عرف من هو يحب ويعادي=عليه حيلات الرياجيل تصعب
وتري مريض المعديه ما يعادي=من حكمة الخلاق حي ويطبب
وهرج الرجال الصامله ما يعادي=ومن ضيف قي سلم الاجاويد رحب
يا اللي علي روس الطويلات بادي=هذا عرقك من كثر خوفك تصبب
عرضت نفسك للشمت والنقادي=والناس تعرف ويش حكم المهرب
والحر جايع يا حمام السوادي=وهو علي طرد المقافي مدرب
وان كان هذا العلم ضرك وكادي=الناس يا ابن الناس قالوا مراتب
وش وهقك علي طيور الهدادي=وابو الحقب قالوا من العجب معجب
يا اللي تدور للعناء والنكادي=من خلصك من سطوة الذيب الاشجب
تنطق حروف الخافيه لا ارادي=ولا ينفعك ذالحين لوم المعاتب
نجرح شعورك ما تبي لك ضمادي=حتي تعرف ان المصايب مصايب
وسيف الهجاء ماهوب وسط الغمادي=نقص به لحي العداء والشوارب
يحرم علي عينك يجيها السهادي=حتي تشفي فيك بعض الاقارب
حنا علي وضح النقاء ما نهادي=عيش الحياه وحب خشم المعزب
والورد ريحه غير ريح الزبادي=وانا بحصل فيك شارة ومضرب
لكن كب اللفلفه والعنادي=والنخل في عذوق وعروق وكرب
هارب ومن ديرتك مبعد ابعادي=من الخصم والشرطه مطارد وتتطلب
نرسل لك الهئه وفوج الجهادي=يا اللي مع طول الليالي تشقلب
نبي نوريك الشقاء والزهادي=وهذي فعايل يام حاضر وغايب
رميتك بسهمين بين الثنادي=من سلك قوسن فيه شحنات كهرب
لا تعترض قدم الذياب العوادي=راوغ من وجيه الذيابه وجنب
وراك لو تجلي وري بغغدادي=البادي اظلم وانت واللي تسبب
ما بك علي قطع الخرايم سداي=اشمل والا اجنب وشرق وغرب
نذر في عينك بقايا الرمادي=حتي تجي الدنيا في عينك جحر ضب
عدونا ما يهتنيه الرقادي=يمسي علي كربن ويصبح علي كرب
علي ظهور الجيش والا الجيادي=نسقيه سم الداب مع سم عقرب
من لوعة الدنيا تصيح وتنادي=والناس من سلم الاجاويد تطرب
نصبر علي الاجواد صبر المهادي=والعي ماله يا اهل المعرفه طب
ورفيقنا ايامه سوات العيادي=يقلط علي طيب وسنانيم وثرب
يا الشبرمي قبل امس فوق الشدادي=واليو م مالك من ظنا يام مهرب
عديت حدك يا السفيه الربادي=ودفوك في النيران والنار تشتب
وانا من الحكمه مسكت الحيادي=ولاني لدجله والفرات المغثرب
عاديت قومن في نهار الطرادي=تطرب علي صوت المصاقيل في الحرب
تكرم تميم الطيب والا انت عادي=شرواك ما ينفع به الحكي والضرب
اهل الجنابي والقنا والهنادي=لا شفتهم يضيق في وجهك الدرب
تجمد علي طولك وتصبح جمادي=تاخذ سنه لا قمت في الحال تتعب
من قال ريح الثوم عنبر وكادي=ولا ضاقت الدنيا علي وين تذهب
حنا المنايا يا العدو المعادي=نسقيك طعم المر والصبر والشب
لا دين لا دنيا ولا بك مبادي=والله ما نعرف علي ايات مذهب
لكن جو الحر عكس البرادي=واحسن لك اقضب صرة التيس واحلب
غرر بك المارق وابو الشر بادي=ولا لك في هذا الكون غايه ومطلب
تحتال لو تحتال يا ذالقرادي=حطك تحت بطنه وروح بك الدب
وللشعر والشعار مجلس ونادي=ما هي ملاهي العيد تضحك وتلعب
بعد تماديت وحركت الزنادي=والناس تعرف حجة الصدق والكذب
باروحنا لاجل الكرامه نفادي=والله لو قدامنا الروس والصرب
واسيوفنا في كل حزه حدادي=نردع عداء الاسلام مع سيف الاجرب
والارض قبل البذر تبغي السمادي=سوات بيت العز معنز ومنسب
ومن ذاعة علومه جميع الروادي=هذاك لامن ذبح بالسيف يصلب
والمرجله ماهيب رز وزبادي= لكن ابو الفلات في الهاويه طب
وبيت السعادة غير بيت الحدادي=مافيه لا ساحه ولا فيه ملعب
جريت صويتك بالغناء يا عبادي=والشبرمي شاعر وماهر ومطرب
مال الجمل غير الخزم والقيادي=وحنا نعسف الصعب ونروض الصعب
وبيت القزاز تضر فيه الهوادي=والحر الاشقر لا كفخ يرعب الخرب
والرجل يخشي العيب والانتقادي=وهذي تراها من صفاة المؤدب
والذكريات الماضيه والجدادي=يا طيبها للي لالخري تزهب
للحرب جهزنا العتد والعتادي=والحرب لا قامت فكم روس تجذب
شبيت نار المعركه من زنادي=وقلبي علي قمع المعادي مدرب
والناس تخشي من عمود الجرادي=تقضي علي اليابس وتقضي علي العشب
ومن يظلم الاجواد ويش استفادي=لو مطلق كفوفه سبب موتة اشعب
مثل البسوس تشب هيش العرادي=في كل يوم لفاطر الشر تشعب
ما باقين لك في الخفا يا فؤادي=الا تقول الستر هو خير مطلب
ولا خير في رجلن يحب الدوادي=ولا خير في رجلن لنار الفتن شب
والعنصريه تنبذ الاتحادي=وللتفرقه مثلك ما بين العرب شب
والحق خير من الخطا والتمادي=ليتك علي ديوان الاجواد تقرب
والمسلمين اخوان حضر وبوادي=لو الجزئرة من خبرهم تسرب
مؤروث في الصحراء وقناة البوادي=نشوش من طيب القروم المذرب
في شاعر المليون راكد وهادي=واليوم تستنكر وتهجو وتشجب
تري الفتن تشقر عصاة الجهادي= استغفر الله يا التميمي وله تب
والقدس تشكي من عناء الاضدهادي=جور اليهود اللي عليها تطرب
وبامر الولي الاقصي لنا يستعادي=منقذ نبي الله من قاعة الجب
تخشي يهود الشر يوم المعادي=وايام تطوي اليال وحنا نراقب
وايران كل احقادها من نجادي=للرافدين وخير بغداد ينهب
والكون وخلق الله لرب العبادي=والناس والايام في دبرة الرب
لو نعتبرها منك كبة جوادي=الحسنه بعشرة وتمحي لك الذنب
ومحمد بن الذيب في الذم زاداي=وكليب اخيه الزير من روس تغلب
يا محمد بن الذيب شاعر ريادي=سويت له مذبح ومصلخ ومقصب
ياذيبنا يا شوق غض النهادي=البحر هاج وفيه ساحل ومركب
يا محزمي يا ساعدي يا سنادي=نعرف سواتك لاعتزينا تعصب
خذاه الصباح ومقتفيه الهجادي=وقيد يدين السالمه لا تجي الجرب
والخبل قالوا سايره ما يزادي=هذي نصيحة من صفط لك من القلب
واخير من قرب الشبه الابتعادي=يالين تصفي لك جميع المشارب
واحذر من الهجمات و الارتدادي=والرجل يعرف من يجالس ويصحب
في الناس حقادن وفيهم ا حسادي=معروف ابو وجهين يوم يتقلب
وش قال ابن حثلين وابن بجادي=ما قل دل وكرمة الضيف واجب
وقال العواجي حكمته وبن هادي=الذل يبقي في قلوب المترب
وش قال ابو نهار شيخ أل هادي=تجنبك عن سيرة الناس مكسب
وحادث ديانه هو سبب موت فادي=وذيب المجاعه ضاق بطنه من العرب
وثمود قوم ومثلهم قوم عادي=ومن خالف المعبود حسيب وعوقب
وماهوب كفؤ حرفين دالن وضادي=لو قلت له يخسا ولو قلت يعقب
اضف ثلاث اصفار جنب الاحادي=لارضيت مرضي ما زعل منك معجب
يا حر يا ابن احرار عش الحنادي=حتي تجي لك طايعات او تجي غصب
يخسر ودادي وانت تكسب ودادي=والقلب فيه الكره موجود والحب
ومكارم الاخلاق كف الايادي=مالك ومال اهل الخرافات والنصب
خلك علي ما قيل رجلن قيادي=لا تزعل القادة ولا تزعل الشعب
اعفه عفاك الله يوم التنادي =تراه يا ابن الذيب بحبالكم نشب
وكلن وزرعه في نهار الحصادي=وكلن وما يبذر يبي يحصد الحب
عطيتك الزبدة وعلم الوكادي=اكتب وكل الناس تقرا ما تكتب
والدله وفنجالها ابو القنادي=صبه علي منصي القروم المعرب
وصبه لمن لا شحوا الناس جادي=له جلسة ن شرحه ومطعم ومشرب
وعده عن الجاهل غيث الكبادي=اللي لغرات الاجاويد يشذب
والخير كله والامن في بلادي=والناس قبل الخير في اعشاش وعزب
واللي يدور للعنا والنكادي= من شاوره في اذنه يعاند ويغضب
وتري الثعل لو قالوا الناس سادي=مع حيلته لو نابن اقشر ومخلب
لو يعرف الروغات دربه قصادي=تحققت له فوق ماهوب يطلب
في البورصه خبيرها واقتصادي=وجميع مافيها مع الوقت يسلب
خلا الحونشيه وخلا الحمادي=له غرفةن زينه وكرسي ومكتب
وان شافنا صابه عضال الرعادي=لو قلت له تقطع ولو قلت له شب
يشوف سطح الارض قوم وسنادي=ولا عاد يدري يحسب القوم تنهب
علي الكلام الشين يحداه حادي =لكن جته كفوف وبكوس وركب
دورت رقمه في جميع النوادي=ولا رقم واحد علي رقم يركب
ولا فيه عيب يشجع الاتحادي=وكلن علي فنه ودله مركب
وصلوا علي اللي للثقلين هادي=شفيعنا يوم الحشر والمحاسب
14-06-2011, 09:15 AM
العرض العادي
