أنا على خبرك كما ريحة العود /اذا احترق بالنار يزداد طيبه

[عبرة وداع]

وبنيت قافي على لحنه ودستوره
لعلي اسلا وقلبي بالغنا يبرا


ذكرت منهي على فرقاي مجبوره
ولا غيرها في سكون الليل من يطرا


ريميةٍ من خيار الريم مذيوره
والرمش يزهى جمال عيونها الخدرا


هي ريحه الورد والريحان وعطوره
هي نسمة جرت العاشق على المسرى


من كثر ماتحتوي من زين مغروره
واقول يزهى الغرور الغره العفرا


نفسي تبي وصلها والنفس معذوره
ومنهو يلوم المولع في هوى عذرا


ماهيب بدرٍ يشعشع فالدجى نوره
ليا بدت نورها غطى على القمرا