همــهـــمــات سعد . . !

[سعد الصميل]

أمنيات على السريع . . !



لو كنا نعمل بدقة الياباني . .


وبمهارة الهندي


وبإقتصاد الروسي


وبجد البريطاني


وبسلاسة الفرنسي


وبنشاط الامريكي


وبقوة الافغاني


وبخفة الكوري


وبشجاعة الليبي


وبعزيمة الياباني << ثاني مره اجيبهم . . والمفروض اكثر بعد من مرتين


وبدهاء اليهودي . .


وبروح الاسلام . . . . .


كان بالفعل . . حكمنا العالم بدون أدنى شك

[سعد الصميل]

هنا الكويت . .

هذا كان نداء اذاعة الكويت . . . صراحة ما ادري لحد الآن يقولون النداء هذا او لا . .

لأني اعترف بأني ما اسمع اخبار اذاعة الكويت . . بعد ماعرفت الــ bbc . .


وهي محور الحديث الحين . .


ياجماعه . . والكلام للاخوان اللي مايسمعون الراديو . . نصيحة اخ . . استمتعو بالاذاعه . .


طبعا ما اقصد المرينا وكويت اف ام . . والمسخره الزايده

اقصد الاذاعات الثانيه . . اللي الواحد يستفيد منها . .

المهم . . نكمل النصيحه . .

ياجماعه والله نتور عقولكم وتخليكم مع الحدث دائما . . وتثقفكم . . ومنها تقزيرة الطريق بشي تستمتع فيه وتستفيد منه !!

طيعوني . . ترى النصايح قبل كانت تنشرى. . الحين بلاش !!

(( النصايح قبل تنشرى والحين بلاش )) << المثل هذا دايم اسمعه . . وحتى بأفلام ابيض واسود ينقال . . وكلمت لي واحد يكلم جد ابوه لحد الحين عايش عمره مليون ونص . . وقال انا كنت اسمع جد جدي يقول المثل هذا . .

السؤال . . . منهو الشقردي هذا اللي كان يدفع فلوس علشان النصايح . .؟؟

[سعد الصميل]

مرات ومرات . . . !!


مرات تلقى نفسك متضايق بدون سبب !!! ومرات تلقى نفسك مليان حكي بس ماتدري وشهو !!!


مرات تقوم من النوم وودك تطرح القعدان من النشاط الزايد !!! ومرات تكون يوم كامل ماتقدر تشيل نفسك !!!


مرات لو واحد قالك بخ تقعد تضحك اليوم كله . . لأنك تبي تضحك !!! ومرات لو تشوف اطرف موقف في حياتك ماتوصل معك نص ابتسامه !!!


مرات تتخذ قرارات وتحس انك كنت مغفل بعد ماتتخذها !!! ومرات تتخذ قرارات وتحس انك كنت مغفل شلون ماكنت متخذها مبطي !!!



مرات ومرات . . . والحياه كلها مره وحده

فلا تتحسف على عدد المرات !!

[سعد الصميل]

عاهات !

كل واحد مننا اكيد عرف في حياته ناس مربوشين . . او عاهات مثل مايقولون الحين . . هذا شي طبيعي . . لكن انا بتكلم عن شي بالتخصص !!


من خلال مسيرتي اللي كملت 7 سنوات في المنتدى . . . << والله عمر !!

شفت من الاعضاء ناس افلااااام . . مدري شلون مستحملين انفسهم

بس الحمدلله . . يعيننا الله عليهم . . ويسببون زحمة شوي ويفارقون . . . << مراح مقيط


يجيك واحد . . مزعج للاداريين 24 ساعه منقع بالشكاوي ويتناقش معاهم بكل شي !! والا يجي واحد مسوي فيها شاعر ويسب خلق الله ويهين الناس !! والا تجي بنت حاطه نك غريب عجيب ماتدري وين تبي توصل بالنك هذا !!

والا تشوف وحده فالتها على الآخر . . وتسولف سوالف نسوان خاصه . . اللي يشوفها يقول داخله منتدى نسائي !!

والا تشوف واحد شغال بالغزليات 24 ساعه ومسوي فيها روميو , يحسب انه بيحطم قلوب العذارى مثلا ؟! << مو كذا والله تراك فاهم غلط

واللي مسوي فيها تنظيم القاعده . . وقاعد لي في بيتهم << روح جاهد يامال الشحم . . لا تحط امك وابيك عذر . . كانك تبي الشي بتوصل له بدون اذن امك وابيك


واللي يدخل علشان يبجل جده ويخليه فارس فرسان الجزيرة حامي الديار اللي ماينذل له جار . . << اللي يسمع سوالفه عن جده يحلف ان جده وصل المرحلة الأخيره وقتل الوحش !!


واللي من يسجل يستلم له قسم معين يبي اربنا نشوفه نحطه مشرف على القسم


واللي . . واللي . . واللي . . . الخ


لكن مايمشي الوقت الا بالنوعيات هذي . . . والا بتحس انك مو في منتدى طبيعي اصلا !

[سعد الصميل]

مجرد تسجيل حضور اليوم . .

مع ان الهمهمات والله كثيره جدا . . لكن مدري قدلي كم يوم معاد لي نفس اتهمهم بزياده مثل البدايه !!

يمكن احتاج ارتاح ؟ يمكن احتاج تصفية ذهن ؟ يمكن احتاج تشجيع مثل اول مابديت ؟

مدري لكن ثقوا ان الهمهمات ان وقفت وقت , ترجع اقوى من قبل

الى ان القاكم في همهمات جديده . .


دمتم في حفظ الله ورعايته .

[سعد الصميل]

اللي ماله شوير ولا كبير . . ماهوب بخير !!

سمعت الكلمه هذي اليوم من احد الاعزاء . . ووقفت عندها كثير . . اعجبتني !!


فعلا اللي ماله احد يشاوره في اموره . . وماعنده كبير يعلمه بحكم الخبره . . راح يعاني في حياته


مرات فيه امور ودك تسويها . . لكن تفكر مليون مره وماتدري وشلون تسويها والا متى . . .


لكن لو عندك احد تاخذ شوره وتثق فيه . . بيدلك وبيقعنك . . ولو عندك بعد كبير تحترم نظرته للحياه . . بيفيدك . .


وفي النهايه بتطلع في افضل النتايج . . !!


والا ؟

[سعد الصميل]

كثير من الناس الله طارح فيهم البركه والخير . . يعني اللي يسمونهم الشيبان . . المبروكين . .

لا جاء طاريه . . قالو فلان مبروك . . او مبارك الله فيه . .

اليوم حضرت عرس واحد من الربع . . والحمدلله انه من الناس المبروكين . .

طبعا قبل العرس ماكنت احسبه ضمن الناس المبروكين


بس يوم حضرت عرسه . . واجهت ناس لي سنين عنهم . . وشفت ناس فرحت بشوفهم . .

وخذيت علومهم وسلمنا عليهم وتطمنا عليهم . . وكله بفضل الله ثم العرس المبروك

الله يجعلنا من الناس المبروكين . . ونتبارك على خلق الله ان شاء الله . .

ويجعلكم انتو بعد

علشان ماتقولون ناسيكم . .

[سعد الصميل]

مرات يجي في بالك تخيلات . . وهذا شي طبيعي جدا . . لكن فيه تخيلات غير طبيعيه


وهذي تجيني مرات . . صحيح انها غريبه . . لكن استمتع فيها


خلوني اجيب لكم احد المواقف . .


قبل فتره انا وواحد من الربع طالعين . . ووقف عند بقاله . . خذا حاجته وعطاه فلوس . . ورجع لنا الباقي من الخرده . . وبينها . . 100 فلس . . وانا فيني شي غريب ثاني بعد . . كل ما امسك الخرده على طول اقلبها اشوف انتاجها اي سنه . .

يوم شفناها . . مكتوب عليها 1968 . . يعني لها 43 سنه . . وهي تدووج من ايد الى ايد . .

عاد هنا بديت اسبح في الخيال بروحي طبعا . . تخيلت كم عدد الاشخاص اللي مسكوها ؟ ووين المشاوير اللي قطعتها ذالمية ؟ حنا خذيناها من بقاله بالسالميه . . اكيد بنصرفها عند بقاله بالعاشره !!

وهلم جرا . . يرجعها لواحد ثاني وذاك يشتري بالجهراء . . وخلك مستمر 43 سنه !!

بعدها رجعت للسوالف مع صاحبي وسولفنا عن المية . . قلت له اللي بخاطري وزدت عليها . . قلت له . . ياخي 43 سنه ماضاعت !! قال الفلوووس ياخيك كلن حريص عليها لو انها مية فلس

قلت . . سبحان الله . . هي نفسها المية ذي بحديدها وشكلها . . اول مانزلت كانت تجيب بطاط وعصير وككاو وحلاو ويزود عليها

الحين ماتجيب شي ابد . . ولو تمدها للبزر نقد عليك !!

المهم . . من الفراغه صار حديثنا كله عن المية . . وحتى اننا قلنا اكيد خلال الـ 43 سنة انها سافرت برا الكويت . . لكن مالها مصد لازم ترجع لديرتها . .

43 سنه . . ناس ولدوا بعدها وماتو قبلها . . وهي موجوده . . والله عمر !

تخيل نفسك مكان المية . . شوف وين بتوصل !

حديث كان مافيه فوايد . . لكن كان ممتع في خياله الواسع

[سعد الصميل]

فيني عيب كبير في الهمهمات او بالركن الهادي . . اعترف فيه واقر بذلك !

احد اكبر عيوبي في الركن . . اني ما امر على اركان الاخوان كثير . . ومقل بحقهم علي . .

والله ما ادري حتى وش اتعذر فيه . . لكن اطلبهم شخص شخص . . يعذروني لأني مقصر بحقهم . .

واتمنى مايعتبروني اناني . . اشوفهم يردون علي دايم وماوقفوا ابد . . وانا ما امر عليهم الا بالسنه مره . . اخواني . . اعزائي . . انتو اهل الطيب و والله لكم حق . . لكن اعذروني نفداكم . . والله انكم تستاهلون اللي يمر عليكم بإستمرار . . لأنكم جميعكم مميزين واقسامكم مميزه . .

بتعذروني والا جبت لكم جاهيه ؟

[سعد الصميل]

واحد من الشباب قد قالي مره . . انا الفت لي مقوله بتصير ان شاء الله بالمستقبل مثل !! قلت حلوو . . هات !

قال : الفرق بين المتعلم والمثقف . . ألف كتاب !!


طبعا اعجبني المغزى اللي قصده جدا جدا . . لكن ماني خبير في اللغة والنحو والبلاغه علشان اقيم المعنى للكلمات . . !


لكن نرجع للمغزى . . فعلا كلامه عجبني بجد

ممكن انك تشوف واحد معاه اعلى الشهادات . . لكن عقله فارغ في الامور الثانيه غير اللي درسها . . وتشوف واحد ماعنده شهاده لكنه ملم في كل شي وثقافته عاليه جدا . .

انا اعرف شخص شهادته رابع ابتدائي . . او بالأكيد أقل من رابع متوسط . . لكن بالمقابل ؟ ؟ شخص مجنون بالثقافه والادب بشكل كبير . . سمعت ان مكتبته بالبيت ضخمه بالنسبة لمكتبه شخصيه . . تقريبا غرفة كامله مخصصه بدروج للكتب . . وفيها اتوقع اكثر من 500 او ألف كتاب حتى !!

ويطارد الثقافه وين ماكانت . . كل سنه يروح لمصر علشان معرض الكتاب عندهم مميز اكثر . . وفيه كمية كبيرة ومتنوعه . . ويحرص على انه يحلق الثقافه وين ماحلت !!

بالمقابل . . فيه اشخاص شهاداتهم عليا وقبل اسمه حرف الـ د. . . واهم شي النقطه

لكن فارغ ومايفرق بين القاف والغين . . ولا يعرف متى يستخدم التاء المربوطه والتاء العادية المفتوحه !!

طبعا هذي لها همهمه ثانيه . . مدعين العلم