خالد العدوه + محمد الحويله رجال ونعم

[حـمـد الـعـجـمـي]

يا جماعه هالنواب الاثنين ماهم بطووفه هبيطه تحركونهم على كيفكم
انتم لكم حق عليهم الي هو الخدمات والمعاملات يعني : -

النائب أي نائب قبلي يدخل المجلس من اجل الكويت ثم القبيله

القبيله ينفعها من حيث المعاملات والتوظيف والخدمات من ناحية السكن والعلاج

والكويت ينفعها بوجهت نظره هو ما للقبيله اي دخل في وجهت نظرهم

ولا من حقنا نعترض على اي قرار يتخذونه هم عندهم وجهت نظر معينه

وترا مو كل من وقف مع الحكومه مب رجال يمكن انهم شايفين ان ناصر المحمد زين

ويمكن ما يبونه يطلع عشان ما يستلم غيره

ومثل ما قلت قرار محمد الحويله وخالد العدوه شي يخصهم هم

ولا لنا اي حق بأن نعترض عليها

في فرق بين العمل الوطني

والعمل القبلي

وانا اعتقد ان العدوه والحويله ما قصرو في خدمت القبيله

وبعدين ان كانك معارضهم عارضهم بالانتخابات الجايه مو تسبهم وتذمهم

هاذا عمل سياسي ماله دخل بالرجل نفسه

يعني انت تقدر تنقد عمله مو تقول سود الله وجه ومش عارف ايش

لا يا جماعه ترى كذا ما يسير

والحويله رجال ونعم

والعدوه رجال ونعم

ونحترمهم ونقدرهم

وانا نفسي انتقد عملهم السياسي

بس ما قلت سود الله وجهيهم

خلوكم واعين شوي

[عـــايض]

ونعم ونعم ونعم ونعم بالعجمي \ خالد العدوه
والعجمي \ محمد هادي الحويله


ولكن النعم كايد بالنسبه للنائب \ خالد العدوه
والنائب \محمد الحويله اخوانا نحترمهم ونقدرهم


تفائلنا بهم وخذلونا نحترم وجهة نظرهم
ويجب ان يحترمو وجة نظرنا



وجهة نظري الشخصيه

هناك من هم افضل منهم ويستحقون تمثيلنا
فالبرلمان

[حـمـد الـعـجـمـي]

لا هنت عالمرور يا عايض و وجهت نظرك عالعين والراس

لاهنت عالمرور الجميل

[الا الدستور]

على المقال الطيب هذا اقولك 00000000000من باع ضميره بربع ميه الالف لو انها مليون كان عذرناهم يارجال الرياجيل مواقف تقول وجه نضر اترك منك امور السياسيه والامور اللف ودوران القبيله اغلبها ماهي راضيه ولاواجهت احد للحين راضى بدواوين عن موقفهم وحنا رشحناهم ماهو علشان المعامله علشان اخر اسمه عجمي علشان يشرفنا ماهو يفشلنا

[حـمـد الـعـجـمـي]

00000000000000انا ما اسمح لك تقول عن العدوه والحويله كذا وعلى فكره محد طلعهم الى انتو والعدوه عندكم من التسعينات وهو بالمجلس ومن ذاك الوقت ما سمعت احد يقول له سود الله وجهك وهاذي قناعاتهم ورجاء صك الموضوع ولا تكلم عن الرياجيل كذا

[لووويه]

يبا مدام الحويله و العدوه ما يقدرون يصوتون ضد الحكومه شحقه داشين المجلس شتبون بالمجلس اذا ما عندكم شجاعه تصوتون يا اخي اقعد ببيتك مو لازم مجلس واحد يقابل طلبته و الثاني يقابل شركاته خلوا المجلس لأهله خلوه للبرغش و لصيفي و الطاحوس و الجري


بعدين لا تقول وجهة نظره هو لا هو يمثلنا ما يمثل نفسه و لنا حق نعاتبه و نحاسبه على مواقفه ... اذا شرا اصواتنا ذاك الحين قول مالكم حق تحاسبونه اما انه

يفتر بالفرعي و يلحس خشوم العجمان و (يكذب) يقول برجع ايام 92 و بداية المجلس مولعها

بالمقابلات التلفزيونه و التصريحات و يوم جات الصدقيه سكر تلفونه و طق مصر

هذا كلام فاضي و سواد وجه و مع الاسف يطلعون ناس يبررون موقفه

العالم يزهمونكم الريجيل انطقوا و ندعس على روسهم و هم لا حياة لمن تنادي

انا واحد من الناس بعد موقفهم اللي ما يشرف ... ما اتشرف انهم يمثلوني انا عجمي ولا يمثلني الا الطاحوس و الصيفي

[حـمـد الـعـجـمـي]

تبي تنتقدهم وتحاسبهم في طرق مو بالسب والشتم والتجريح

لان ماهم الى بني ادم

وكل انسان يخطي

[ستر العذارى]

السلام عليكم
صباح الخير ولا مساء الخير مادري متى بتقرا الموضوع
المهم اخوي حمد هدي بالك ياخوي اللي تقول عنه عمل وطني ياخوي هم سموهم نواب لمجلس الامه مو المجلس الوطني
واللي سواه الحويله والعدوه ما اظنهم يستحقون كلمة ونعم تقدر تقولي وينهم فيه حاليا
ليش ماواجهو وتناقشو مع ربعهم وجماعتهم (وجعلنا امرهم شورى بينهم)
وبعدين يومهم خدمونا انت تحسب ان لهم منه على احد لاغلطان انا وغيري من العجمان اللي طلعناهم بأصواتنا يعني منته على عمره ثااانيا انا شبي في واحد مايواجه بغض النظر عن موقفه مع او ضد لكن ليش ماواجه بني عمه يوم جووه هذي بحد ذاتها عليها اتريبه وربعهم جاوهم قبل كم يوم وقالو فيه يوم مخصص للدوانيه وانتقدوهم بعض من العجامين
وتجمعو يوم الاحد وللاسف وجدو الشرطه وحواجز والرجال معطيهم علباه وش دعوه انت حدد وش يستاهلون بينك وبين نفسك وقول بينك وبين نفسك سود الله او بيض الله

[حـمـد الـعـجـمـي]

انا عن نفسي يبقون عوال عمنا ونعم فيهم
وبقول لك مثل ما قلت لغيرك
انت الحين مثلاً رايح سوق الخضره تبي طماط على سبيل المثال
ولقيت كرتونين كرتون معفن وكرتون ناجح

اكيد انك بتختار الناجح

و وجهت نظر العدوه والحويله ان ناصر المحمد ناجح

[امبراطوري]

هذا والله الحق والبعض مدري ويش فيه حتى انا ما أرضى على سب الربع وأذا بحاسب نائب بحاسبه لاجا التصويت اما لمهابد مانبيه وهذا هو العقل