مدخل انطاع ( مثلث برمودا الوادي )

[محمد بن صبحان]

الله لا يهينك اخوي ابو سعود على طرح المشكله

والله يرحم اموات المسلمين جميعا

ولكن لا حياة لمن تنادي من زمان وهو مسبب مشاكل ولكن مافيه احد تحرك

ولكن نأمل بحل سريع للمشكله لتفادي وقوع الحوادث

تقبل مروري

[فهيد . السبوق]

لاهنت

[ابورآكان]

1- من هي الجهه المعنية التي تستطيع أن تطور هذا الطريق وتقلل من الحوادث ؟

الجهه المسئوله هي المحاكم لأن صنادق نطاع فيها ورثه

وعليها مشاكل من اهالي نطاع مازالت في المحاكم من 30 سنه
حتى الأمير سلمان عنده علم بالموضوع وزارة المواصلات ماتقدر تسوي شي

في املاك ناس عليها نزاعات من قبل اهلها

2 هل محافظ النعيريه لايعلم بمدخل الموت المفاجئ ؟

يعلم لكن القرار ليس بيده القرار بيد اهل الصنادق


3 - ماهو دور بلدية مليجه التي أعتقد بأن نفوذها أقوى من محافظ النعيريه ؟

لاتلف وتدور تعال دغري وقل بلدية مليجه بس ابشرك بلدية مليجه ماتقدر تسوي شي
هناك نزاعات من قبل اهالي نطاع على الصنادق وحتى الشنو راعي المزرعه اللي
على المدخل يملك صك ورافض يتنازل عن اي متر

4 - ماهي الحلول لأنهاء مثلث برمودا الوادي ( مدخل نطاع ) ؟

الحلول في المحكمه
تسرع في الفصل في موضوعها والله غفور رحيم

5- هل أزدواجية الطريق قيد التنفيذ أو أنها حلم لكل مرتادين طريق الوداي ؟

لا ابشرك قيد التنفيذ روح شوفهم بدوا من عريعره وجعل عمره طويل من سعى فيه

6 - هل توجد حساسية كبيرة ومزمنة من هجرة نطاع. قد تكون تاريخية تؤرق المسئولين في هذه البلدية؟
من تقصد نطاع طرف اول بس من الطرف الثاني يعني !

الحساسيه عندك انت طال عمرك

[أبـــوسعـــــود]

المشاركة الأصلية كتبت بواسطة ابورآكان

1- من هي الجهه المعنية التي تستطيع أن تطور هذا الطريق وتقلل من الحوادث ؟

الجهه المسئوله هي المحاكم لأن صنادق نطاع فيها ورثه

وعليها مشاكل من اهالي نطاع مازالت في المحاكم من 30 سنه
حتى الأمير سلمان عنده علم بالموضوع وزارة المواصلات ماتقدر تسوي شي

في املاك ناس عليها نزاعات من قبل اهلها

2 هل محافظ النعيريه لايعلم بمدخل الموت المفاجئ ؟

يعلم لكن القرار ليس بيده القرار بيد اهل الصنادق


3 - ماهو دور بلدية مليجه التي أعتقد بأن نفوذها أقوى من محافظ النعيريه ؟

لاتلف وتدور تعال دغري وقل بلدية مليجه بس ابشرك بلدية مليجه ماتقدر تسوي شي
هناك نزاعات من قبل اهالي نطاع على الصنادق وحتى الشنو راعي المزرعه اللي
على المدخل يملك صك ورافض يتنازل عن اي متر

4 - ماهي الحلول لأنهاء مثلث برمودا الوادي ( مدخل نطاع ) ؟

الحلول في المحكمه
تسرع في الفصل في موضوعها والله غفور رحيم

5- هل أزدواجية الطريق قيد التنفيذ أو أنها حلم لكل مرتادين طريق الوداي ؟

لا ابشرك قيد التنفيذ روح شوفهم بدوا من عريعره وجعل عمره طويل من سعى فيه

6 - هل توجد حساسية كبيرة ومزمنة من هجرة نطاع. قد تكون تاريخية تؤرق المسئولين في هذه البلدية؟
من تقصد نطاع طرف اول بس من الطرف الثاني يعني !

الحساسيه عندك انت طال عمرك

أبوريكان

ما مدري أنت تجاوب ولا تهجم علي .!!



أخ أبوريكان


بالنسبه لسؤال الأخير ذاكر الطرف الثاني وهي البلديه واعتقد أنك عارف من البلديه اللي مسئوله إلا أذا ماتدري أوضح لك بلدية مليجه .

وذكرت أن هناك صناديق لكن لا نعرف معنى الصناديق لو توضح لنا ماهي الصناديق ؟


وأزدواجة الطريق كما ذكرت بدأت من عريعره يعني على الأقل خمس سنوات مع الرأفه أذا ماكان 10 سنوات ... ومن هذا الوقت إلى هذاك الوقت هناك مزيد من الأرواح بسبب مثلث برمودا .


وذلك أسناد لطريق حربات قريه الذي جلس أكثر من 4 سنوات لأكماله وهو أقل من 40 كيلو متر فما بالك بطريق يقارب الـ 200 كيلو متر.


والكل يعلم بالمرسوم الملكي الذي أمر بزلفت و أزدواجية أكثر من 200الف كيلو و لي حسن حظنا أن الوادي من ضمنها .



وأنا أعترف لك أن عندي حساسيه من هذا المثلث الخطير ... وكل من له غالي ذهب ضحية هذا المثلث عنده حساسيه لكن عسى الله لا يجعلك من الذينا لهم

حساسيه من هذا الطريق وان لاتفقد غالي .





سؤال أوجه لك شخصياً


لو مثلث نطاع قريب من مركز الصرار أو مركز حنيذ أو مركز متالع ولاهوب قصور في باقي المراكز


تعتقد أني بطرح الموضوع ولا بسكت ؟

تعتقد أني طرحت الموضوع لقربه من مركز مليجه ؟




وسلامتك وعفاك

[فيصل بن حجرف]

السلام عليكم ورحمة الله وبركاته

وصبحكم الله بالخير جميعا اخواني

حنا في العشر الأواخر من الشهر الفضيل اعاده الله علينا وعليكم ان شاءالله وتقبل الله صيامكم وقيامكم .. وحنا تونا مصلين الفجر وانا بقول كلمة حق حتى لو ان البعض يعتقد اني بجامل فيها لكن والله انه الصدق ... اول شي بتكلم عن الموضوع المكتوب وبعدين بعلق على بعض الردود اللي شطبوها بعض الأخوان اللي للأسف يحاولون يربطون بطريقه او بأخرى بعض المواضيع التي يعلم الله اننا لا ننشد من ورائها الا الخير للجميع ان شاءالله .

ابو سعود واحد من العجمان اللي يستخدمون هذا الطريق وبأستمرار وشاف مثلنا كلنا مجموعه من ابناء القبيله اللي انتقل الى رحمة الله واللي في غيبوبه واللي متكسر والرجل يحاول ان يحث المسؤولين على حل هذه المشكله من خلال اثارتها اعلاميا علها تصل الى مسامعهم ان شاءالله .. فلا يجب ان نهاج شخصه ونتهمه في نواياه من خلال طرحه لمثل هذا الموضوع . واعتقد اننا كلنا يهمنا امر هذا المكان وكثرة الحوادث فيه والذي نتمنى ان شاءالله ان يجدوا له حل في اقرب فرصه .

تطرق بعض الأخوان الى مليجه وامير مليجه وكأن بيدهم عصى سحريه لحل اي مشكله وهم يعلمون تمام العلم ان روتين المعاملات الحكوميه بطيئ جدا ومايخلص في يوم وليله هذا لو كان الأمر من صلاحياتهم .. ولكن مادام نطاع تتبع للنعيريه وفيها رئيس مركز بالمسؤوليه تقع على عاتقه .. وايضا المسؤوليه مشتركة لجميع امراء الوادي لان ابنائهم جميعا يستخدمون هذا الطريق ولا اعتقد ان هناك من يرغب في استمرار هذه المشكله مهما كان هناك من مشاكل .

الشيخ راكان بن خالد شئنا ام ابينا سوا شي مع احترامي لجميع امراء الوادي محد منهم سواه .. والشي هذا اعتقد الكل يشوفه من يدخل مليجه وكيف تحولت من قرية الى مدينه بترتيبها وحسن تنظيم طرقها وشوارعها ودوائرها الحكوميه . وايضا لا ننسى ان الشيخ راكان بن خالد له اليد الطولى في حل مشاكل ابناء القبيله وتخليص امورهم في الدوائر الحكوميه وعند الحكام . قد يعتقد البعض اننا نجامل او نسعى من وراء هذا الكلام لشيء .. ولكن من يعرفني ويبخصني زين يعلم انني لا اجامل واقول كلمة الحق دون محاباة او مجامله ومهما اختلفنا الا ان الحقيقه لا يمكن ان نغطيها بمنخال .

لذلك كلي رجاء بعدم التطرق لابو محمد او لاي شخصيه عامه من شيوخ او وجهاء القبيله .

وليكن نقاشنا حول المشكله المطروحه .

تعليق أخير .. احد الاخوان سأل عن عدم تغطيتنا لدورة مليجة الرمضانيه وذكر ان الكثير من المنتديات قامت بتغطيتها ... في الحقيقه لا اعرف ماهو الرابط بين المشكله المطروحه والدوره الرمضانيه في مليجه ... ولكن حتى تكون على بينه اخي الكريم وحتى لا يروح تكفيرك بعيد .. انا دوامي في البترول شفتات وعندي بنيان ولا اقدر احضر .. ولو كنت اقدر والله لغطيها .. وتقد تسأل جلوي بن سبعان لانه سألني قبل فتره عن عدم تغطيتنا لها وهل حنا رافضين التغطيه وقلت له بالعكس لو عندك تغطيه لها حنا ننزلها .. وانا اقولها لكم وقدام الاعضاء كلهم لو عندك تغطيتها ارسلها لنا وحنا ننزلها في المنتدى .. مع اني ماحبيت طريقة التلميح اللي جات في سؤالك الخارج عن مضمون الموضوع الا اني حبيت ان ابين الحقيقه وامام الجميع .

[عمكم]

الاخ فيصل
مساء الخير
طرحك كان جيد واتمنى ان سياسة المنتدى تكون واضحه والصالح القبيله وتعطي كل ذي حق حقه وتبرز كل شخص سواء شيخ من شيوخ القبيله او من عامت ابناء القبيله اذا عمل شيء يشرف القبيله اويرفع الراس وينومس لان الهدف اسم المنتدى المفروض مايضهر الا شي يرفع الراس ولا يكتب بعض التفاهات فلان فيه وفلان فيه لازم كنترول وبعض الاعضاء والمشرفين الي عندك الاحض انهم يتحاملون بعض اشي على ابو محمد وهو مايستاهل الا كل علم غانم لاكبرت مالنا بعد الله لاهو حتى القبايل الثانيه من غير قصور فيهم ينصونه وموقفه مشرفه بس في منتداكم الاحظ بعض التحفظ عليه واذا جاء طريه كثر التهجم عليه غيره او حفد مادري على كلن شكرا ياخ فيصل وانا شخص احترم رايك بس اتمنى كنترول يطلعنا بين القبايل باحسن صوره وترانا قبيله تشرف وتنومس على مستوى العصور واتمنى نستمر على ذالمنهج ونرفع الراس ونترك التافهين والحاقدين ورى ضهورنا ونظر للأمام اتمنى هذا اخوي فيصل والسلام ختام

[مطلق الخالدي]

يعطيك العافيه على الطرح المميز
تقبل مروري

[أبـــوسعـــــود]

المشاركة الأصلية كتبت بواسطة عمكم

الاخ فيصل
مساء الخير
طرحك كان جيد واتمنى ان سياسة المنتدى تكون واضحه والصالح القبيله وتعطي كل ذي حق حقه وتبرز كل شخص سواء شيخ من شيوخ القبيله او من عامت ابناء القبيله اذا عمل شيء يشرف القبيله اويرفع الراس وينومس لان الهدف اسم المنتدى المفروض مايضهر الا شي يرفع الراس ولا يكتب بعض التفاهات فلان فيه وفلان فيه لازم كنترول وبعض الاعضاء والمشرفين الي عندك الاحض انهم يتحاملون بعض اشي على ابو محمد وهو مايستاهل الا كل علم غانم لاكبرت مالنا بعد الله لاهو حتى القبايل الثانيه من غير قصور فيهم ينصونه وموقفه مشرفه بس في منتداكم الاحظ بعض التحفظ عليه واذا جاء طريه كثر التهجم عليه غيره او حفد مادري على كلن شكرا ياخ فيصل وانا شخص احترم رايك بس اتمنى كنترول يطلعنا بين القبايل باحسن صوره وترانا قبيله تشرف وتنومس على مستوى العصور واتمنى نستمر على ذالمنهج ونرفع الراس ونترك التافهين والحاقدين ورى ضهورنا ونظر للأمام اتمنى هذا اخوي فيصل والسلام ختام

الموضوع عن مدخل أنطاع ( مثلث برمودا )


لايمس أحد لا من قريب ولا من بعيد ..!!

وأشوف أنك تحاول لف الموضوع ولا أعلم لأي أن كان لفك لمسار الموضوع ... لكن الله يهداك


وأعتقد من ردودك السابقه أنك لست مهتم من مشكلة مدخل أنطاع ( مثلث برمودا ) نهائياً


وهمك الأول والأخير هو الأعلام وعن دوره رمضانيه فقد لاغير ... ووجدت لها موضوع فأتمنى أن

تدخله وتدلي بدلوك هناك ... ولاهنت على المرور وطرحك لحل المشكله .

[ALAJMI]

ابو سعود تشكر على الموضوع الهادف
واشد على رايك
وسنوجه النقد لأي كان سواء راكان بن خالد ولا غيره طالما كانت المسؤوليه تقع على عاتقه

[ابورآكان]

الأخ الكريم ابو سعود والله لا اهاجمك ولا اهاجم غيرك بقدر ماهو توضيح للحقيقه
فمدخل برمودا مشكله يعاني منها جميع اهالي الوادي ومستخدمين طريقه
بالنسبه لبلدية مليجه ماتقدر تجي وتحط دوار او مدخل في مكان عليه منازعات
من قبل ملاك ملكوه بوضع اليد من سنين طويله وبوضح لك الحين كيف ملكوه
الصنادق يا بو سعود وليست الصناديق هي عشيش مرمي غربي الخط اكل عليها
الزمن وشرب وبعضها الحين مدفونه
المشكله ياخوي انها وضع يد وفيه آبار مياه يعني ( عيون ) قديمه وفيها كم نخله
والورثه معاهم اوراق تثبت ملكيتهم وكلهم من قروية نطاع
والحكومه عجزت من حل المشكله وأخذت سنين طويله في المحاكم حتى انها ووصلت لأمارة الرياض عند الامير سلمان
وما بت فيها حتى الآن
فكيف تبي بلدية مليجه تتدخل في منازعات منظور فيها من قبل المحاكم وموضوعها في
امارة الرياض ولم يجدوا لها اي حل حتى الآن لتعلق الورثه في اراضيهم وايضا لوجود مشاكل
بين الورثه انفسهم عليها ومشاكل اخرى بين الجيران من الورثه
الوضع معقد جدا لكن أجزم انه سيحل بالقوه بعد ما تصل أزدواجية الطريق
بأذن الله للمنطقه فلن تعطل الدوله مشروع ازدواجية الطريق حتى يخلصوا
اهل نطاع من مشاكلهم
اما الشيخ راكان فلا له اي علاقه في الموضوع لا من قريب ولا بعيد وصدقني لو ان الأمر
بيده لحلها من زمان
للعلم راكان ين خالد رئيس مركز مليجه ليه تدخلونه في مشكله ماتخص مركزه !


الأخ فيصل كلامك طيب جدا ونت اطيب ان شاء الله
لكن ابومحمد هوجم في اكثر من موضوع ووقفت موقف المتفرج وآخرها انزل
تحت شوي وشوف موضوع مطبات مليجه
من المضحك ان الوادي كله مطبات من اوله لا آخره وش معنى مليجه بس هوجموا اهلها
وأحد الأخوان يوم سئلوه وقالوا جيب ديره في الوادي مافيها مطبات دور يوم ماعين قال الكهفه !
ههههههه والله ان رده مضحك يا اخي الكهفة منطقه في نهاية الطريق الفرعي
يعني ماحد رايح معه الا متجه للكهفه وغصب عنه بيخفف السرعه عشان يدخل المنطقه
بعدين اعتقد ان فيها مطبات بعد
والثاني يوم قالوا له حنيذ قال صاده من الطريق
ياسلام يعني اللي ماهي على طريقك مالك شغل فيها ! وش ذالكلام الله يصلحك
مع ان المطبات اصلا وجودها ضوري جدا ولا انعدموا اهل المناطق اللي على الطريق
نرجع لموضوعنا وختم بالأخ alajmi
ياخوي نفس ماقلت لبو سعود وش دخل راكان بن خالد في مثلث نطاع !!
اعتقد ان لو يصير تصادم بين سيارتين في الصين ودخل المنتدى وقول من السبب ان هناك
ناس بتقول راكان بن خالد بدون اي تفكير

كثير من المآسي موجوده في بعض قرى الوادي وكثير من امراء الوادي لهم سلبيات
واضحه للجميع عمري ما شفت اي نقاش حول تلك السلبيات مادام انكم بتناقشون كل شي
الشيخ راكان بن خالد بشر ولا هو نبي قد يخطئ في بعض الامور لكن اللي انا واثق منه
اخطاءه ان وجدت ما تستحق كل هالدوشه وهالكلام اللي يصير
ومثل ما قال فيصل الحجرف سوا شي ماحد من امراء الوادي سواه مع احترامي لهم جميعا
في النهايه هذا منتدى للعجمان والكل يدخل فيه ونتوا تكتبون بأسماء مستعاره
لكن تذكروا أن فوقكم رب يعرفكم ويعرف نواياكم فأحسنوا النوايا الله يجزاكم خير