الشيخه شيخه كانت هنا....

[الشيخه شيخه]

[الشيخه شيخه]

انا زعلان منك حيل وشايل لك بقلبـي عتـاب
واتمنـى تحملنـي مثـل مـا اتحمـل عتـابـك

ترى بعض الصراحة جرح وثقل ونرفزه واعصاب
ابي تسمع كلامي زين وتمسك زيـن اعصابـك

تعاهدنا انا وانتـه علـى إنـا نكـون احبـاب
واحبابك هم احبابـي واحبابـي هـم احبابـك

وش الي غيرك فجأه تكلـم واذكـر الأسبـاب
انا بسمع كلامك زين وبسمـع زيـن اسبابـك

رغم كل الخطاء منك فوجهك ما قفلـت البـاب
ويوم اخطيت في حقك قفلت فوجهـي ابوابـك

رخصت الغالي لعيونك حنيت لخاطـرك ارقـاب
رضيـت احنيهـا ارقابـي ولا تحنيهـا ارقابـك

كفايه تمتحني هم وخل مـن ذم فينـي وعـاب
ترى من عاب في غيرك ولو طال الزمـن عابـك

ولا تفكر في يوم انساك او يشغلني عنك غيـاب
انا اتنفسك اهـواك وفيـك امـوت واحيابـك

انا ما شوف احد غيرك جميـل بفتنتـه جـذاب
انا إعجابي فيك اعمى يفوق اعجـاب اعجابـك

انا مهما قسى قلبي بكلمـه منـك احسـه ذاب
انا من زود عشقي لك عشقت العطر في ثيابـك

انا ياليت مغرم فيك انا كلـي فغرامـك شـاب
احسك جزء مـن روحـي ولا اتحمـل غيابـك

ولا قد طاب لي جرحك ولو جرحي لذاتك طاب
عجزت اقدر اشوف الدمع بل اطـراف اهدابـك

[الشيخه شيخه]

تريّث ياصدى صوتي وخفف نبـرة الأحـزان
تعلّم من نزيف الجرح كيف اصبر على همـي
أنادي والسما غيمـة تثـور بداخلـي بركـان
ودفتر من قصيد الأمس على جال البحر مرمي
سكنتك بيت ياكبره وشكلّـت بسمـاك ألـوان
شربتك كاس بيديني وأثاري الكـاس منسمـي
دخيلك جامل الدمعه !! ترا مهما أكون أنسـان
مشاعر قلـب تحكينـي وأزود حبرهـا دمـي
كرهت البيت بغيابك ! كرهت الباب والجـدران
ليامن شفت لك صورة تنسينـي حنـان أمـي
أبرحل وأترك الماضي وأجدد حاضر العنـوان
ابجمع من شتاتي قلب واسافر في بحر غمـي
تصور لو نساني الكون وصرت بعالم الحرمان
أناديلك .. واصوّت لك .. ولاحتى تلـدْ يمـي
أمانه لو جعلتني مسافر في سمـا النسيـان
أمانه جاوب صوتي لجـل مايحتـرق دمـي
ابي لو ساعه من وقتك . أنا ماقلت أبيك ازمان
أبيك العاشق المغـرم علـى قلبـي ومهتمـي
أبيك تعيشني قصة ! بطل خاين وأنا الخـوان
أبي كل البشر تحكي وتتسابـق علـى ذمـي
على هونك ظلام الليل!! أشوف الليل ماقد حان
علامك تلوي ذراعي !! تبعثر فينـي وتلمـي
حرام تشوف دمعاتي وتنسى أني بقايا أنسـان
أحاول اجمع شتاتي وعجزت اليوم فـي لمـي
حبيبي لو تبيني ابعد واعانق دفتـر الكتمـان
تعال احضر عزا قلبي مادام الشـوف منعمـي
تصور مابقا فيني سوى باقـي رمـد بركـان
ودفتر من قصيد الأمس على جال البحر مرمي

[الشيخه شيخه]

قبل الغرام وقبل مااصير .. مغليك
أعاهدك مااقول : غير ..( آمر وسمْ )
حتى لو إنك قلت : برحل .. وأخليك
بقول لك : تامر على ماتبي .. تمْ
رايح أكون إنسان .. يفهم مباديك
أشاركك بالضحك .. والحزن .. والهمْ
مهتم بكْ .. وأغلي بعد من .. يخاويك
ومن لايهمك ماني بـ فيه .. مهتمْ
بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ
وإنْ جاك نوم .. رموش عيني .. تغطيك
غمض عيونك وسط عيني وثم .. نمْ
وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!
أبيك تسرقني .. لروعة مراسيك
وأموت بك موتة غريق ٍ .. وسط يمْ
أبيك تدرك يوم انا جيت أماشيك
قصدي تكون أقرب من .. الخال والعمْ
قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ
قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ
أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ

[الشيخه شيخه]

[الشيخه شيخه]

ماعاد باقي في العمر كثر ماراح
شفني مثل زرعً عطاشا سواقيه

في غيبتك ادروبنا اطلال واشباح
وناي الحزن هوج العواصف تغنيه

تعال ترى عمري تنهات وجراح
كود الوصل والحب للحال يشفيه

على وثيرالصدر خليني ارتاح
ثم اسقني من مبسمً العسل فيه

وان ماحصل وصلك فيا لوعتي اح
الله لا يبيحك على اللي تسويه

ماهوب ذنبي كان حضي معك طاح
حكم القدر ياصاحبي لا تحاتيه

انا ارتجي وصلك ولو سدنا باح
يبقى الامل شمعه على درب ساريه

تدري وش اللي للمحبين ذباح
شوف الحبيب ولا يجيلك تحاكيه

[الشيخه شيخه]

ماهو بكيفك تواصلني تقطعني
اما غلا بين او فضها سيره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطا يومك تبيعني
في سوق ذقها عليك اسوقها جيره

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيره

[الشيخه شيخه]

[الشيخه شيخه]

خآرج نطآق التغطيّه عدة أيآم ...معطي لـ خلق الله جميعاّ : تجآهل

[الشيخه شيخه]

اعجبتني13 حكمة للحياة‏....



1

أحبك لا لذاتك .. بل.. ”لما أنا عليه“... عندما أكون بقربك

2
لا أحد يستحق دموعك ......... لئن استحقها أحد
فلن يدعك تذرفها

3
لأن أحداً يحبك على غير ما تهوى ..
ذلك لا يعني أنك لست موضع حبه.. بكل كيانه ..

4
الصديق الصدوق هو من احتضن يديك و دغدغ قلبك

5
أسوأ طريقة لفقدان شخص ما.. هو أن تحاذيه وتدرك أنك لن تكسبه....

6
لا تتوقف عن الابتسام ،حتى و إن كنت حزينا ..
فلربما فتنت أحد بابتسامتك...

7
قد تكون مجرد شخص عادي في هذا العالم ..
لكنك ”لشخص ما“ ... أنت العالم كله ..

8
لا تقضي الوقت مع شخص لا يحفل بقضائه معك

9
قد تقتضي الإرادة الإلهية أن تعاشر كثيرا ممن لا يروقونك ،
قبل أن تعثر على الشخص اللائق ..
عندما يحدث ذلك .... كن من الشاكرين .

.10
لا تبك لنفاذ الأمد ....ابتسم لأنه حدث....

11
على الدوام .. سيكون هناك من يؤذيك ..
واصل ثقتك .. و كن على حذر ..

12
كن شخصا ً أفضل .. و تأكد من معرفة نفسك ..
قبل ملاقاة شخص جديد...
يحدوك الأمل أنه يعرف ما أنت عليه ..

13
لا تنازع كثيرا ً ، فأفضل الاشياء تحدث على حين غرة