(( شوق وصراحه وعفويه)) لشاعر علي الجميله

[مزاج بدوي]

ياعديل الروح دعواك مخفيه &&& أنت أبيها سمها لاتناساها


جيت لك شوق وصراحه وعفويه&&& الثلاث اتعبتها ليه تجفاها


حاجتي عندك بسيطه ومقضيه&&& ليه تجحدها وقلبك تمناها


غيبتك تؤجع والأوضاع عاديه &&&جب سبب مقنع يعذر ويرفاها


أشهدن ميسم فراقك نضج كيه&&& الأوله ماردته لين ثناها


هجمتك ياداعج العين عكسيه&&& شينها لاعودت صوب مرماها


خطتك يامتلف الروح وهميه&&& عاذلك رتب لها لين سواها


تستمع للداب وتصدق الحيه&&& العواذل سمّها كيد مغزاها


صار في عيني من الحزن ماريه&&& يانظرها غاب كحلك وعناها


لاتمادى دام الاعذار منسيه&&& فكرة أصحاب الفتن لاتبناها


ياشقا يوم المعنى وماضيه&&& الركاده صنعتِ ماصنعناها


فكرتك يامايس القد سطحيه&&& قبلك الدنيا العنيده عسفناها


لاتعيش أوهام وأحلام ورديه&&& لاتشيدّها على غير مبناها


لاتكلف خف من دون رسميه&&& لاتصنع والطبيعه كشفناها


لايضيع العمر وتضّيع الجيه&&& لاتحللها على غير معناها


ضاقت صدور الغرام الشماليه&&& عدّها ولاطلبتك تعداها


خيّرك ربي بثتين مسميه&&& لاتكاثرها عليّ لاتشاواها


تذكرة منفى لعينك سياحيه&&& أو مدينة عشق غيرك تمناها


لاتغيب وترتجي بيت مرثيه&&& حي يرثي حي صعبه شطبناها

[العجاجي]

السلام عليكم ورحمه الله وبركاته...

يعطيك العافيه ....

تقبل مروري.....

[مزاج بدوي]

اشكرك لمرورك وتقبل مني خالص الطيب

[الاصيله]

يعطيك الف عاافيه

ولاهنت

تحيااتي لك

[(سعد بن محمد)]

صح السان شاعرهاا وناقلهاا

ولاهنت يامزاج على النقل

[سادح اسد]

صح لسانك ولاهنت تقبل مروري

[مزاج بدوي]

اشكركم علي مروركم وتقبلو مني خالص الطيب

[الهاملي99]

صح لسانك والله لايهينك

[مزاج بدوي]

اشكرك لمرورك وتقبل مني خالص الطيب

[*•¦« ღ قلـِب مِـטּ لـِؤلـِؤ ღ ●•]

يسلمو على انتقائك المميز

الله يـ ع ـطيك العافية و لايحرمنا جديدك

ودي