البنت لولد عمها

[سياتل]

الرأي بالموضوع متشعب و كللها توافيق من الله و اذا الواحد بغا بنت عمه و خذاها فهو افضل من غيره و بيعاملها احسن معامله خصوصا انها منه و فيه و اذا ما توفقوا الشي هذا يمكن يعرض العايله كلها للتفرقه يعني هو سلاح ذو حديين و بالاول و الاخير كلها توافيق
تسلمين يا عزوف على الموضوع

[عزوف]

الله يسلمك يا سياتل

اسعدني مرورك وشاكره لك الرد

تحياتي

[ذهب]

للأسف ...........للأسف ظاهرة الحجر لحد الآن موجوده
يعني لاجا أحد يخطب بنت ناس جا ولد عمها وعيّا عليها وهي المسكينه لاكليمه ولاعليمه
يعني حتى الآباء والكثير منهم يفضلون البنت تروح لولد عمها....
شي حلو إن الأهل يتقربون لبعض بس إذا كانت البنت ماتبيييه حتى لو مافيه عيب ليش الغصيبه؟؟
لاتقولون لي لا الحين مافي شي اسمه نغصب البنت وحده من قريباتي ملكوها أهلها لولد عمها
من دون علمها يوم قرب يوم الزواج علموها ويوم سألتهم ليش ماقلتو لي قالوا نبيش تنتبهين لدراستش أول!!
عالعموم تسلمييييييين عزوف على هالموضوع إللي في غاية الأهمية ...شكرا

[عزوف]

يا هلا وغلا يا عجميه ملسونه

وفعلا هالشي لازال موجــــــــــــــــــــــــــــود للاسف

اسعدني مرورج وشاكره لج الرد ياغلاي

تحياتي

[بنت البوادي]

مرحبا
اشكر اختي عزوف على طرح هالموضوع اللي انا نفسي عانيت منه كثير،،،،،،،،،،،
على فكره انا ارفض المقوله اللي تقول(بنت العم لولد العم مرهونه)حشى صرنا سياره يحجزونا ولا سلعه كل واحد من عيال العم يحجرنا خير انشالله بليز يعني,,,

شوفو(الرجال مخابر مو مناظر) لو ولد هالعم رجال ويعتمد عليه واخلاقه كويسه صدقوني ان البنات ياخذون عيال عمهم بس للاسف يندر عندنا مثل هالنوعيه من الرجال في هالعصر.

للاسف انا مريت بتجربه هاذي واهلي قالولي ان واحد من عيال عمك خاطبك في نفس الوقت تضايقت لاني توني صغيره على هالموضوع ومابغى ابعد عن امي وابوي واخواني لانهم صارو جزاء مني المهم انا رفضت الولد وزعل عمي وسولنا سالفه وحلف اني مأّخذ غير ولده (هذا بعده طبعن) بعدين رجعت المياه لمجاريها والحمدلله على كل شي............
هم كذا يزعلون شوي بعدين يرضون والزواج قسمه ونصيب ان الله كتب للبنت ولد عمه بتاخذه وان كتب انها تاخذ عبد بتاخذ


(اناس ميسره ماهي مخيره)
شكرا

[الوايلي]

موضوع مهم
بس بالوقت الحالي قليل ولكن موجود
كلش ممكن اجامل فية الا اختيار النسرة (الزوجة )
يعطيج العافية