يا الله يا رحمان لا تبتليني ,, !

[ناصر العظيمان]

السـلام عليكم ,,,



صبحــكم / مسـاكم ,, الله بالخير ,,,



هذه قصيده بسيطه بعد فترة انقطاع واتمنى ان ترتقي لذائقتكم !




ابدا ذكر ربي على كل الاقوال
اللي خلق الاجيال من بعد الاجيال
الخالق اللي دوم باقي ولا زال
يا الله يا رحمان لا تبتليني

.
.
.

انا طرالي في زماني طواري
ألعب واتعب من يحاول يباري
واقرأ وافسر لك صحيح البخاري
يا الله يا رحمان لا تبتليني

.
.
.

خضت التجارب في زمان التجارب
وعرفت فيها اهل اللحى والشوارب
متحزم المحزم سواة المحارب
يا الله يا رحمان لا تبتليني

.
.
.

اللي وراي ومن قفاي يتكلم
انا لجيمه كان ما قد تعلم
والهرج ما يأخر ولا هو يقدم
يا الله يا رحمان لا تبتليني

.
.
.

العين ما تشفق على شوف الرديين
تشفق على شوف النشاما المحبين
اللي مواقفهم تسوى ملايين
يا الله يا رحمـان لا تبتليني

.
.
.


وسلامتكم !!