فطنة البدووو

[بندر التركي]

بسم الله الرحمن الرحيم

كانت فيه بنت وغصبها ابوها على الزواج من رجل ماتبيه
المهم تزوجت البنت وراحت مع رجلها وكان ماهو من عربهم
وفي ليله من الليالي جا اخو البنت غزاي على اهل زوجها
وقرب عند البيت وكان مافيه الا البنت وام زوجها وعوى اخوها كانه ذيب
والبنت عرفت صوت اخوها
وقالت هالابيات


ياذيب لاتطردك عنا المهابه _ _ يامطرح الغزلان بالقفر ياذيب
كان انت جيعانً بقفري طيابه _ _ وان كان تبي البل بروس المعازيب


العجوز كانت عند البنت وضنت ان البنت تقصد عشقه او حبيب له فردت على البنت وقالت


الذيب حذرا لايعضك بنابه _ _ ويخربك جوف البنات الرعابيب
تمسين مثل بكرةً في جلابه _ _ ياسامها السوام يلقى عذاريب


البنت ردت على العجوز وقالت


وحياة جياب المطر من سحابه _ _ اني عفيفه مابعد عضني ذيب
انا كما عدً قليلً شرابه _ _ ماتدهله بالقيض حرش العراقيب
اخوي جياب المثاني نهابه _ _ لاجت نجوم الليل مثل المشاهيب


العجوز فهمت وقامت تصيح البل وخذت
قالو لها الرياجيل منين لك العلم
قالت جاني العلم وعلمتكم


قالت البنت عجوز ماعندها سالفه لاتطيعونها

المهم مااحد طاع العجوز

ويوم جا الصبح جا الراعي يصيح ويقول

البل وخذت يالربع


الشاهد بالقصه فطنة البدو ومعرفتهم بالقصيد ومايرمز له

ودمتم بخير

اخوكم
بنـــــدر الـــــــــــتركي

[الكحيلا]

بندر مشكوووور قصه رووعه تسلم يدينك ...

تقبل مروري ..

[وراااد]

قصه جميله وابيات حلوه ..

لاهنت...

[بندر التركي]

كل الشكر لج وشرفنا مرورج خيتي

.. الكحـــــــــــــــــــــيلا ..

ياهلا ومسهلا

[بندر التركي]

وراااد

لاهنت وعشت ودمت

هلا ومسهلا

[عجمي وقلبي مرررري]

بندر مشكوووووووووووووووور قصه روعه هذي السوالف الطيبه الحين بحفضها وهايط على الشيبان هههههههههههههه

[الظبيه العنزي]

بندر التركي تسلم يدك على القصه والقصيد .....وننتظر منك المزيد والجديد

[بندر التركي]

- عجـــــــمي وقلـــــــــــــبي مــــــــــــررري -

هههههههههههههههههههههههه

اسعدني مرورك ولا تحرمنا من هالطله

تحياتي لك

اخوك
بنــدر الـــــتركي

[فلاح بن جمل]

قصه جميله وابيات حلوه

لا هنت

[بندر التركي]

.. اخــــــتي الظــــــــــبيه العـــــــنزي ..

الله يسلمج وكلج ذوووووووق

ومرحبااااااابج

بندر التركي