دالية الخلاوي اهداء الى ابو حمد الشامري

[زبون كيمو]

من روائع الادب الشعبي دالية الخلاوي الشهيره اوردها هنا لقيمتها الادبيه والمعنويه

يبدأ:
يقول الخلاوي الذي ما يكوده...........جديد البنا من غاليات القصايد

الى ان يقول:
لا تاخذ الهزلى على شان مالها.......... ولا تقتبس من نارها بالوقايد
لاتاخذ الا بنت ناس حميده.............عسى ولد منها يجيب الحمايد
ولا تتقي في خصلة مابها ذرى....... ولا تنزل الا عند راع الوكايد
وياطول ماوسدت راسي نكاده....... من خوفتي يعتاد لين الوسايد
فمن عود العين الرقاد تعودت.......... ومن عود العين المساري تعاود
ومن عود القوم المناعير مطمع.........تلوه بالانضا والجياد العدايد
ومن عود الصبيان اكل ببيته............عادوه في عسر الليالي الشدايد
ومن عود الصبيان ضرب بالقنا.......نخوه يوم الكون يابا العوايد
ومن كثر الطلعات للصيد ربما.........يوافيه غرات يجي منه صايد
ومن تابع المشراق والكن والذرى.... يموت ماحاشت يديه الفوايد
الايام ماباق بها كثر مامذى.......... والاعمار ما اللي فات منها بعايد
نعد الليالي والليالي تعدنا..........الاعمار تفنى والليالي بزايد
الى ان قال:
الى بغى يمضي على العزم وانتوى.......اخذ راي الف وانتقى منه واحد
ويختم:
فقولوا لبيت الفقر لا يامن الغنى............وبيت الغنى لا يامن الفقر عايد
ولا يامن المظهود قوم تعزه..................ولا يامن الجمع العزيز الظهايد
وواد جرى لابد يجري من الحيا..........اما جرى عامه جرى عام عايد

[اللزيزي وافتخر]

صح لسانك ولاهنت على القصيد الطيب

[زبون كيمو]

مشكور على مرورك الكريم

[الرازي]

زبون كيمو

يعطيك ألف عافية على ذا القصيدة

ولك تحياتي
ابو عيد

[ابوحمد الشامري]

لا هنت لا هنت لا هنت يا شوق ترفات الصبايا الغرانيق وما قصرت يا المعيضي

على هذا الاهداء وبارك الله فيك واسمح لي ما شفت مشاركتك الا االليله خابر

يوم خميس واعراس عوايدكم يا اللزيز تهدون الجزل وتذبحون الجزل .

( ليت ربي خلقكم ملايين.......... ولكن طراة الشيء نادر وجوده )

،،،،،،،،،،،،،،،،،،،،،،،،،،،،،تحياتي،،،،،،،،،،،،،،، ،،،،،،،،،،،،،