## محمد بن دسمه .. في ضيـافتنــا ##

[سالم العظيمان]

آررررحب يا ابو نادر


شاعر جميل ومبدع وجزل
وشهادتي فيه مجرووحه !!

وشكراً جزيلاً للأخت وردة المنتدى
على هذه الاضافه !!


اسئلة واستفسارات على الطاير يا ابو نادر

الشعراء .. حمدان المري - ماضي بن عضيمان - سعود بن مهدي .. ما أثرهم في حياتك ؟؟؟

اقرب قصائدك الى قلبك ؟؟؟

اخر قصيده كتبتها ؟؟؟

ولي عوده ان شاء الله

[محمد بن دسمه]

المشاركة الأصلية كتبت بواسطة سالم العظيمان

آررررحب يا ابو نادر


شاعر جميل ومبدع وجزل
وشهادتي فيه مجرووحه !!

وشكراً جزيلاً للأخت وردة المنتدى
على هذه الاضافه !!


اسئلة واستفسارات على الطاير يا ابو نادر

الشعراء .. حمدان المري - ماضي بن عضيمان - سعود بن مهدي .. ما أثرهم في حياتك ؟؟؟

اقرب قصائدك الى قلبك ؟؟؟

اخر قصيده كتبتها ؟؟؟

ولي عوده ان شاء الله

مرحبا ومسهلا يابومبارك ..

جعلك تسلم ياغالي ..




الشعراء .. حمدان المري - ماضي بن عضيمان - سعود بن مهدي .. ما أثرهم في حياتك ؟؟؟



حمدان المري
^

بمرتبة الاخ الكبير ..

ماضي بن عضيمان


^


جعل ربي يثبته .. كم أفتقد هذا الشخص وأحبه في الله وأدعي له بالثبات ..

سلم لي عليه


سعود بن مهدي
^

الولد هذا غير .. هو من شجعني ع الشعر .. وأول شخص يستمع لي

وافرح اذا شفت له قصيده جديده .. جعل ربي يوفقه وياكم ..


اقرب قصائدك الى قلبك ؟؟؟


كل القصائد قريبه مني .. لاتوجد قصيده معينه


اخر قصيده كتبتها ؟؟؟


قصيده ارسلتها لاحمد بن جوفان .. وتم الرد عليها

ياذا الفرح ليتك تمد الصابرين الحامدين .. = قفاايتك من حالها مابشرت في حالها .!
خذيت لك امن السنين .. افضل ماجات ابه السنين ..= ليتك تداري كلمة المضيوم لا من قالها .!
الاوله بسم الله الرحمن رب العارفين ..؟ = اللي تند كفوفها ولا تشح بمالها .!
والثانيه يا(احمد بن خالد) تشوف المسلمين ..= قامت تعن خيولها وحنا نعرف احوالها .!
لقيت لي في ذا البشر اطباع لو تحلف يمين ..= ماتلتفت لاصحابها ولا درت وش جالها .!
افا افا ياربعنا ياللي مع الايام وين = نقالة الهرجه حكو .. وأنا طريت فـ / بالها .!
ماكل مايسمع صحيح الا له علوم تبين ..؟ = واللي سعى في سمعته انا اشهد انه نالها .!
واللي حكا بي مانتبه ان المعين اللي يعين ..؟ = الله يجازي من ظلم - .. ويجزا بـ / عشر أمثالها .!
وانا عطاني خالقي القول والعقل الفطين ..= ماني سواته لابغا الحسنات مايسعى لها .!
سلم على اوباما وقل الشك قافي له اثنين ..؟ = اللي ينبش في الحكي .. واللي زهت في شالها .!
واللي حسبها بالشعر ماظنه القاسي يلين = للتذكره ياصاحبي لو ماوقفت بجالها .. !
الله يسامح من ظلم وانته كبير العارفين .. = ان الجمل من قدرته كل الثقال اشتالها .!
ترا المعاني واضحه لو كان ناتي (بإسبرين) ..؟ = بعض البشر لوها تموت انا اقول اشوا لها .!
سلم على كل من حضر واقسم لهم معنى ثمين .. = المرجله في يومها ماظني احدن نالها .!
وعرفت تالي فالبشر طبوع لو تحلف يمين ..= لو زعلت جات تحكي واليا رضت شف حالها .!
اللي حكابي في ظهري الله رب العالمين .. = يسامحه ويسامحه من كلمةٍ قد قالها .!

ومرحبابك ومسهلا يابومبارك

[الـنايفه]

السلام عليكم ورحمة الله وبركاته



الله يعطيج الف عافيه حبيبتي ورده على الاختيار الزين

والزين مايجيب الا الزين..


محمد بن دسمه مرحبا ومسهلا فيك ونورت المجهر..

انا هنا لتسجيل الحضور مبكراً

ولي عوده مع الاسئله ..

اتمنى لك اسبوع ممتع مع اسئله اخوانك الاعضاء..

..
..
..
..

دمت بود

آم خآلد

[محمد بن دسمه]

المشاركة الأصلية كتبت بواسطة آلحزن آلدفين..!

السلام عليكم ورحمة الله وبركاته



الله يعطيج الف عافيه حبيبتي ورده على الاختيار الزين

والزين مايجيب الا الزين..


محمد بن دسمه مرحبا ومسهلا فيك ونورت المجهر..

انا هنا لتسجيل الحضور مبكراً

ولي عوده مع الاسئله ..

اتمنى لك اسبوع ممتع مع اسئله اخوانك الاعضاء..

..
..
..
..

دمت بود

آم خآلد

يامرحبا ومسهلا ياام خالد


بانتظارش ..

[ريف الضعيف]

السلام عليكم ورحمة الله وبركاته




بما ان ضيفنا احد عمالقه الشعر في منتدانا الغالي
و من اعز الناس على قلبي ولا يحتاج ان اكثر لانه عارفني زين



جيت فقط للسلام وكلي تقدير و حترام لهذا الضيف الطيب وصاحب
الخلق الكريم وشاعر ذو احساس مرهف وقلم جميل يستطيع من خلاله
دخول القلب من غير جمارك ........



اتمنى لك يا محمد دوام الصحه والعافيه وطولت العمر
وان الله يوفقك في حياتك .........



تقبل مروري وتحياتي يا شاعر ال مفلح



شكرا وردة للاختيار الموفق والمجهود الطيب

[محمد بن دسمه]

المشاركة الأصلية كتبت بواسطة العود الازرق

السلام عليكم ورحمة الله وبركاته




بما ان ضيفنا احد عمالقه الشعر في منتدانا الغالي
و من اعز الناس على قلبي ولا يحتاج ان اكثر لانه عارفني زين



جيت فقط للسلام وكلي تقدير و حترام لهذا الضيف الطيب وصاحب
الخلق الكريم وشاعر ذو احساس مرهف وقلم جميل يستطيع من خلاله
دخول القلب من غير جمارك ........



اتمنى لك يا محمد دوام الصحه والعافيه وطولت العمر
وان الله يوفقك في حياتك .........



تقبل مروري وتحياتي يا شاعر ال مفلح



شكرا وردة للاختيار الموفق والمجهود الطيب

مرحبا والله ومسهلا يالعود الازرق

جعلك تسلم فديت خشمك .. الشك زايل

وافي لكونك ماترد ع الموضوع نفداك ..

سلم ع الشيبه والاخوان ..

لاهنت فديتك

[راعي المشعاب]

محمد بن دسمه ... !! شاعر آل مفلح
تستاهل هذا اللقب وهذا لقب كبير لا ينال شرفه أي شاعر
فرأي من لقبك بـ / شاعر آل مفلح .. كان سديداً

فصح الله لسانك وأعتلى شانك على ما تقدم من عذب القوافي
التي بلغ صدى أعجابي بها الأفق ..

أحببت أن أكون من بين الحضور كونك أنت الضيف
لأترك لك باقه من الورود مع التحيه والسلام .... !!

دمت بحفظ الله

ولا أنسى صاحبة الفضل الأخت القديره / وردة المنتدى
بالشكر الجزيل على أختيارها الموفق لهذا الأسبوع

[محمد بن دسمه]

المشاركة الأصلية كتبت بواسطة راعي المشعاب

محمد بن دسمه ... !! شاعر آل مفلح
تستاهل هذا اللقب وهذا لقب كبير لا ينال شرفه أي شاعر
فرأي من لقبك بـ / شاعر آل مفلح .. كان سديداً

فصح الله لسانك وأعتلى شانك على ما تقدم من عذب القوافي
التي بلغ صدى أعجابي بها الأفق ..

أحببت أن أكون من بين الحضور كونك أنت الضيف
لأترك لك باقه من الورود مع التحيه والسلام .... !!

دمت بحفظ الله

ولا أنسى صاحبة الفضل الأخت القديره / وردة المنتدى
بالشكر الجزيل على أختيارها الموفق لهذا الأسبوع

يامرحبا ومسهلا ياراعي المشعاب ..

جعلك تسلم يالشيخ .. وصح بدنك ياغالي ..

وماعليك زود .. وعساني اكون دائما عند حسن ظنك ..

مرورك وتعليقك أسعدني ..

شكرًا لـ قلبك .!

[برنسيسة القلوب]

ولا عليك امرر

اذا فيه ردية بسيطة بينك وبين الكنق نبااااهااااا

[محمد بن دسمه]

المشاركة الأصلية كتبت بواسطة برنسيسة القلوب

ولا عليك امرر

اذا فيه ردية بسيطة بينك وبين الكنق نبااااهااااا

ابن الذيب يقول

يالشاعر اللي في وجهك ترسم البسمه .. = نكبات شعرك تخلدها عرب جيلك .!
عرضت للموت نفسك ياولد دسمه .. = والموت زهقان ولاهوب فاضي لك .!
دولة قطر منت بلاقي لك بها قسمه .. = خلك ورى الحد والى من ضقت باجي لك .!

انا قلت

يالشاعر اللي كبير حجمه وجسمه .. = (...........) ذابحني وانت الله معطي لك .!
دولة قطر وان اراد الله لي قسمه .. = بجي المقارح والى خلصت بجي لك .!
والى ذكرتك هبوب الكوس والنسمه ..؟ = هبت علي من جنوب وودي اتي لك .!