## الغنــاوي تحت المجهر ##

[سعد بن سريّع]

السلام عليكم

وعليكم السلام ورحمة الله وبركاته



الغناوي

..

والله أحسبك بنوته

الحمدلله اللي جاء هذا الموضوع عشآن تعرفين اني ولد
..


على العموم ماشاءالله طب أسنان الله يوفقك يارب .. بصراحه شي يرفع الراس

ومنها للأعلى ياأخوي

تسلمين يالغاليه وما قصرتي

..


اممممممممم حبيت أسأل وين تدرس طب الأسنان بالكويت والا بالخارج ؟؟..

لا والله بالخــارج

وليش اخترت هالتخصص بالذات ..؟؟ هل أنت حابه والا لأن النسبه زينه .. ومالها الا الطب ..؟؟

انا كنت راغب الطب بشكل العام ، وبما ان الاسنان اقل سنين واسهل شوي من العام تم اختياره

وشنو شعارك بالحياه ..؟؟ يعني كلمنا عن نفسك شوي .. الله لايهينك

رأس الحكمه مخافة الله ، انا شخص عملي اقرب الى الجدية بس ما افقد المرح
وسواس نظافه ، اجتماعي بدرجة قويه ، خدوم ، كثير السرحان ( مشكلتي الكبيرة )
النسيان ، هادي

وشكرا ورده للاختيار الحلو

..سلام..

حافظك الله

[البليهي]

مرحبا يالغناوي


حبيت اسلم وارحب فيك



ولي عوده انشاء الله



على رواقه

[سعد بن سريّع]

.
.
.



السلام عليكم ورحمة الله وبركاته ..

وعليكم السلام ورحمة الله وبركاته

مساءكم الله بكل خير .. ومحبه ..

مساءنا عسل

قلبي ورده تسلمين على الاختيار الذوق ..لاهنتي
شاعرنا الغنآوي نورتنا ونورت المجهر ..

هذا انعكاس نوركم علي


بكل صراحه انت من الشعراء المميزين ..ومن الاعضاء المميزين بعــــد

شهادة اعتز فيها ووسام اضعه على صدري
..

يعني باختصار يعني يعجز الكلام اخوي فيك ..وشهادتي فيك مجروحه ..

تسلمين يالشيخه

عندي جم سؤال اذاممكن بس؟!

كم تدفعين ههههه ، تفضلي كلي لكم

1-تحدث لي عن شخصيتك ..؟

والله صعب الانسان يتكلم عن نفسه ، لان المكان الوحيد اللي يشوف نفسه فيه هو المرايه
والمرايه كلنا نعلم انها تظهرالصور معكوسه ، بس بقولتس اللي اسمعه من الناس :
مرح بهدوء ، دقيق ، بطيء الغضب بطيء الرضا ، مستمع جيد للحديث ( اشبك خط واحد )
يقولون طيب ، رومانسي ، ملول ، جريء ، حساس ، مزاجي احيانا

2-شعراء ياثرون بالغنآوي فمن هم ؟!

محمد ابن فطيس ، سلطان الهاجري ، ضيدان (قصيده الاولي ) ، مدغم ، مطلق ابن شويه ، مساعد الرشيدي ، جابر البطحي ، ناصر مناحي الدوسري ، صلاح العرجاني



3- من يعجبك من الشعراء الساحه حالياً؟!

سياسة سعد علوش ، جرأة ابن حمري ، وفوضوية ابن الذيب


4- هل الشعر في نظرك وسيله للتنفيس؟!

المفـــروض . .

5- بكل صرآحه من يفهم الغنآوي دائماً؟!

والدلتي اطال الله في عمرها ، وعمر امهات الجميع

6-عضو قريب منك؟

ما ابي اكون دبلوماسي واقول كلهم وهم فعلا كذلك ، لكن الاقرب لي ( بـــ ـرق ، وطويق )


7-هل للنساء حضور بالشعر في نظرك؟

حضور متأخر بعد منتصف الليــل


8-مارايك بالشاعره عابرة سبيل ؟

آخر الزمن الجميل ؛

9- بيت شعر تتاثر به كثير؟

احبّه ولا ابغضته على شي ٍ يسويه = ولا زالت ارقاب الرجا فيه منعاجه

10-شاعر شاب يلفت انظارك؟ وتتوقع لك مستقبل؟

صلاح العرجـــاني

11-من تفتقد من اعضاء المنتدى لحظه غيابه؟

افتقدت قلم عزوف . .
واستغل هذا اللقاء بالسلام عليها ، وطلب رجوعها


12- هل كتابة الشاعر للقصيده خيال ام واقع يعيشه؟

كذا وكذا ، ولا شك ان الواقع اصدق

13-من هو قدوتك في الحياة؟؟

عمر بن عبدالعزيز _ رضي الله عنه _


14-موقف لا يزال عالق في ذاكرتك؟؟

وفاة جدتي على يدي _ رحمها الله _ وجميع موتى المسلمين


15-آمنيه تتمنى تحقيقهآ؟!

اتمنى اني اكون ناجح في حياتي العمليه ، بخلاف الامنيه الكبرى وهي مرضاة الله _ عز وجل _ والجنه


16-لمن تبوح بآسرآرك ؟!

لنفسي ، فهي الوحيدة التي لن تتكلم



17-كلمه آخييره مآهيه ولمن ؟!

شكرا لتس



ومشكور مقدما على الرد ..

العفو


ولي عوده اكيد للمتابعه ..وان خطر على بالي سؤال بسئلك ان شالله ..

مرحبا ومسهلا ، ولي الشرف وانا حاضر

كل احترامي وتقديري لك

ومني الاحترام المتبادل

ام خالد

[سعد بن سريّع]

.
.
.

حوران مرحبا ومسهلا


التميز في تواصلك الراقي


تروح وترد بالسلامه ، ويمكن اني الحقك

لا تحرمنا من تواصلك


دمت بخير

الغناوي

[سعد بن سريّع]

.
.
.

مناحي الصميل / مرحبا ومسهلا

مرورك اسعدني

وتواصلك اتشرف به

شكرا على مرورك العذب


دمت بخير

الغناوي

[سعد بن سريّع]

.
.
.

محمد / يا مرحبا مليون


هلا بالليل وجلاســه

شكرا على نفحات عطرك السمياكي _ على قولة ابو جابر _

لاهنت على تواجدك وبانتظار عودتك


دمت بخير

الغناوي

[محمد آل غانم]

ارحب ارحب ارحب ارحب

ياهلا والله ومرحبا


ماشاء الله

الشاعر الكبير الغناوي

تعجبني كتاباتك والله

خاصه اللي اخر مره في قسم النثر

رائعه

حبيت ارحب بك اولا

وبأذن الله لي عوده

كل الشكر لوردة المنتدى على الاختيار الجميل

[ناصـر محمد المجروب]

الغنـــاوي

تحت المجهر

رادين رادين

حبينا نسلم عليك ولنا عوده يالغالي

تحرى الاسئله

[ناصـر محمد المجروب]

عوده سريعه


الغنــاوي

مساك الله بالخير

كيف الحال طال عمرك

بدخل فالاسئله على طول

1- وش هو الشي الي يضايق الغناوي ...؟ ( والعكس )

2- اجمل بيت كتبته ...؟

3- قصيده من قصايدك قريبه لقلبك ...؟

4- وسام الجزاله تعلقه على صدر من من شعّـار المنتدى ...؟ ( طبعا ً الوسام هذا قد خذيته مني)

5- عضو يجذبك في ردوده ...؟

6- ليه ماتنشر في المجلات او الجرايد .. بصيغه ثانيه لماذا لانراك في الساحه الشعريه ..؟

7- كل انسان يواجه شوائك في طريقه هل هذي الشوائك اثرت في نفس الغناوي ..؟ ( ان كانها حدثت )

في النهايه اهنيك على سعة صدرك

واهني اعضاء المنتدى باستضافة الغناوي هذا الاسبوع

والله يوفقك

تقبل مودتي

[سعد بن سريّع]

عـجـمـي فـل أوبـشـن عوده سريعه

مرحبا ومســهلا

الغنــاوي

مساك الله بالخير

مساك الله بالرضا والعافيه

كيف الحال طال عمرك

زان حالك ، طيب بتواصلك العذب


بدخل فالاسئله على طول

تفضل والله يستر منك

1- وش هو الشي الي يضايق الغناوي ...؟ ( والعكس )

الي يضايقني ان يتكلم الشخص في لا يفقهه او لا يعنيه ، واللي يفرحني فرحة شخص بسببي

2- اجمل بيت كتبته ...؟

انا اوجهك لك السؤال هذا ، صعب والله احدد بيت في عينه


3- قصيده من قصايدك قريبه لقلبك ...؟

القصيده اللي تقول :

رعى الله دمع ٍ لا شكا القلب ما حدر = مع درب لا ضاقت صدور العرب يسريه

4- وسام الجزاله تعلقه على صدر من من شعّـار المنتدى ...؟ ( طبعا ً الوسام هذا قد خذيته مني)

والله يالشيخ انا ذكرت الشعار الاربعه ، وكلهم يستاهلون الوسام

5- عضو يجذبك في ردوده ...؟

عاد هذا عد وخربط . . .. هههههه ، مدري على اسئلتك صرت دبلوماسي والا باسئلة الربع
ماخذ راحتي ، يعجبني رد حوران ، انت ( بدون مجامله ) ، نجلا النواعس ، عزوف ، وردة المنتدى
بـــ رق ، يعجبني نشاط ابن ملبز ، العود الازرق ، حبابة عقيد والله واجد ويعذرني اللي ما ذكرته ..


6- ليه ماتنشر في المجلات او الجرايد .. بصيغه ثانيه لماذا لانراك في الساحه الشعريه ..؟

توني ما اشوف ان عندي شي اقدمه

7- كل انسان يواجه شوائك في طريقه هل هذي الشوائك اثرت في نفس الغناوي ..؟ ( ان كانها حدثت )

الحياة على قولة الشاعر ( مطلق الجبعاء ) ، مثل تقشير البصل ، مع كل قشرة دمعه
ومع كل تجربة دمعه . . لكن الانسان يتخطى هذه الامور بالصبر والايمان

في النهايه اهنيك على سعة صدرك

انا حاضر ، ومعاكم ما يجي الصدر ضيقه


واهني اعضاء المنتدى باستضافة الغناوي هذا الاسبوع

والله يوفقك


اجمعين . ؛


تقبل مودتي