المجموعه الاولي من الصـور ... /

[مبارك بن مجروب]

لاهنت يامحمد عالصور الرائعه ..
انا اخترت الصوره الاولى وهذا الي طلع معاي وعساه يعجبكم :

ياغايبن عني وقلبي يناديك=عقب البطا ,, قلي على ويش ناوي؟
لاصوت يآصلني ,, ولا قآدر اجيك=والي سكنته شي مظلم وخاوي
!! شفت الحطام الي تناثر حواليك؟=هذا خفوقي انكسر يامداوي !!
ياليت اغمض عين ,,, وافتح ,, والآآقيك=وياليتني لاطحت طحت متساوي

بس ما اعرف احطها على الصوره ..
شلون انزل الصوره واكتب عليها ؟؟

وسلامتكم

[محمد بن دسمه]

لله درك يامبارك

صح لسانك

[مبارك بن مجروب]

لاهنت يالحريشين ماقصرت

صح بدنك يا ابن دسمه ..

والبيت هذا لآخر صوره وان شاء الله يجوزلكم ...

لحق على الورده ,, ترى دمها جف=حرآآآم تذبل وردتي وانت عايش

وشكرا ً

[جرير]

قدني ابي المخلاص


الصوره الثالثه

الخل. ظل / ومنه ماني بطيَب=بالمختصر فالبيت اللآخير قصه
شوف الظلال شلون مني قريب=حزت عصير.. / أموت ما جيت نصه

[محمد بن دسمه]

الله الله الله الله ياجرير

مجرم

صح لسانك ولاهنت نفداك

[جرير]

صح بدنك

[البليهي]

ابدعتوا يا شعار



جرير طلعت اقشر



لي عوده

.

[سالم الرتيبان]

صحت السنتكم جميع ولاهنتو على التفاعل
واخترت يابو سعود صوره رقم 3

وحيد فالصحرا ولاعندي اصحاب = ماغير اخيل الشمس واخيل ظلي
واشوف انا الغيمه تبي تسوي حجاب = تحجب سنا نورن علينا يطلي
ثابت على الطعس وعلى راسي الكاب= ومقدمن رجلي وانا في محلي

سلامتكم

[@ فــهــد @]

بو سعود لا هنت على الصور

وترا الابيات جاهزه ولكن في انتظار تعلمنا وشلون نحطها على الصوره

على شان يصير لها تأثير وبرستيج

انا اخترت الاولى والثالثه

اخيك::

الـــــظــــــامـــــــــــــــي

[@ فــهــد @]

يا رجال بلا برستيج بلا خراببيط نبي نخلص

استلم بو سعود

الصوره الاولى ::

يا سوادٍ سطح عيني تدهنه=ويا نجومٍ ما تنير الا الظهر
وياليال ويا مواقيت السنه=اسرعي عدّش عسى يِقضى العمر
ضيق صدري من همومٍ تسكنه=ماشفعلي صغر سني والفقر
ايه يتيمٍ والمقابر تعلنه=ايه تايه في متاهات القهر

الصوره الثالثه ::

ضيقتي يا ضيقها وقت المغيبي=ومادرا عنها صحيب ولا قريّب
والهموم تحوم وظلالي يشيبي=هاك حالي كان تنشد يالحبيّب

اخيكم::

الـــــــــظـــــــــــــامـــــــــــــــي