جيت بحياتي مثل عمي وخالي

[ذيب الرجاجيل]

مساكم الله بالخير

هذه قصيده اعجبتني فنقلتها لكم علها تعجبكم

وهي للشاعر/هلال المطيري

لك ساعتين وخاطرك ماصفالي=ليت الشعر يرتاح من شرهة ايديك
ترى السؤال اللي بعينك سؤالي=كم قلتلك ما اخترت حبك وطاريك
جيت بحياتي مثل عمي وخالي=ما اخترتهم واغليتهم مثل ما اغليك
كنك بعمري قبل لالقاك غالي=قدام لاشوفك واعرفك واحاكيك
يافرحتي بين الزعل والليالي=بأي الكلام استأذنك فيه وارجيك
والله لو تدري وش اللي طرالي=ماتصد عني لحظة يوم اناديك
ماغير انا وياك وش فيك سالي=كانه على النسيان ماني بناسيك
اقول لك شيا" وتقطع وصالي=واقول لك شيا"وتزعل واراضيك
تعال مره بس مره بدالي=وتقول ساعدني واسافر واخليك

اتمنى انها حازت اعجابكم

تحياتي وودي

ذ/ر

[سعد بن سريّع]

.
.
.

يا ســــلام على النقــل يا شيــخ

روووعة عزالله جازتلي ، اختيار موفق

ذيب الرجاجيل احسنت ولا تحرمنا من جديد . . شكرًا


دمت بخير

الغناوي

[غانم بن علوش الهاجري]

صح لسانك


جيت بحياتي مثل عمـي وخالـي= ما اخترتهم واغليتهم مثل ما اغليك

[ذيب الرجاجيل]

الرائع مرورك اخوي الغناوي

ولاهنت على تواجدك الكريم

[ذيب الرجاجيل]

صح لسان شاعرها


وصح بدنك يا ابن علوش على المرور الطيب