هو الله عطاه الصبـر عنّـي !! وانـا والله = مأخلّـي جــدارٍ مأتـلـوّا بزاويـتـه !!

[محمد بن سعود]

مسـّاكم / صبـّحكم .. الله بالخير : )



مشــاركـه تريد التسلل إلى قلوبكم البيضاء ..

بدا الشاعر اللي نبرة الحـزن فـي مبـداه=وسلّـم يديـه لوجـه ربّــه وناصيـتـه
علـى راس رجـمٍ خالـي البـال مايرقـاه=والأنسـام تلعـب فـي شماغـه وطاقيتـه
وقف وقفة اللـي باقـيٍ يـوم مـن دنيـاه=ولمح غالـي أحـلام الحيـاه متعديتـه !!
رقا بإنكساره .. وإلتفاته .. ودمعه .. وآهـ=وحوّل بضيقه .. وإستماته .. وتنهيتـه !!
نصيبه متاهـاتٍ مـن البـؤس والمأسـاه=هذيـك متنطحتـه !! وذيــك متقفيـتـه
يوم أن الغلا جـزّه بسيفـه مـع المثنـاه=تقفـاه وقتـه مـن خـلافـه بجنبيـتـه
وليفي عساني لو عدمتـه ماعـدم أرضـاه=ولا أعدم نباه !! وميلـت القلـب ناحيتـه
سقـا الله ليالـي عوّدتنـي علـى لامـاه=طريقـي عليـه ووقفتـي عنـد ساريتـه
قبل تفتـح الدنيـا عيونـي علـى ذكـراه=وأنـا ماغفلـت وغفلـت الشـي ماريتـه
ليا أمسيت في قطـع الخـلا مانـي بويـاه=ولا العيـن شايفتـه ولا الإذن موحيـتـه
الا ياوجـودي مــن فـراقـه ويـاعـزّاه=وجود الوحيد اللـي شريـدة عـرب بيتـه
هو الله عطاه الصبـر عنّـي !! وانـا والله=مأخلّـي جــدارٍ مأتـلـوّا بزاويـتـه !!
عسى الله يبرّي ذمتـي مـن خطـا فرقـاه=كثر ما أنتظرتـه فـي الـدروب وتحريتـه
تـدور السنيـن وكـل ماقـدمـه يلـقـاه=الأيـام عجـلـه وأرذل العـمـر تاليـتـه
تعرف المصايب مـن تحنّـه ومـن تـدراه=مثل ماتعـرف اللـي تـروح متوطيتـه !!
الإنسان ودّه ينحرم مـن ( رغـد دنيـاه )=ولاينحرم مـن ( نـور عينـه وعافيتـه )

[ مـطلق بن شـويه ]