لو حظوظ الادمي جات في شيٍ بغاه .. كان ماعينت رجلٍ حزين ومبتلي؟

[(هاوي قصيد)]

مسا الخير

لي وليفٍ مشغف القلب به على عماه = فدوته زين البراقع وامات الحلي

والله اني ما ابي من شفاه الا شفاه = مزتٍ منها هدام العمار البابلي

والله انه منوة اللي تعنا في صباه = ويش ياذاك المعنق ويا ذاك الجلي

ويش ياثغرن كما البرق لاشعل في سماه = غاية اللي يتبع ام الرقاب النحلي

صاحبٍ مغليه لابو محبته وغلاه = مدرك احساس الموده غلا القلب الشلي

والله ان قدلي على شوفته ولا لقاه = مبطين منه وشوقه صلا قلبي صلي

تدوي الافكار في كل صوبٍ واتجاه = عنزت قلب المعنا ضلوع الهزلي

لو حظوظ الادمي جات في شيٍ بغاه = كان ما عينت رجلٍ حزين ومبتلي

قربها يعطي تعاليم بسلوب الحياه = وبعدها سطر معاناة عصر الجاهلي

يرحم الله من ليالٍ قضيناها معاه = يوم يرضا من رضايه ويزعل لزعلي

ويرحم الله عاشقٍ ماهوى إلا هواه = زل عمره في رحاب الخيال المخملي

غير ياصبرٍ صبرته ولا شفنا عطاه = الوعد لا خيم الليل فالرجم الخلي

وسلامتكم