ياصاحبي غابت علي الشمس باطراف النخيل=وامسيت اشوف الباسقات اللي تميل عذوقها
وانا علي بشت حساوي ... لا قصير ولا طويل=والمزنة الغرا على راسي تلوح بروقها
والعالم الله يدرك العطشان منها سلسبيل=والا يوقف يومه الموعود قبل يذوقها
ياصاحبي .. ياناس .. ياللي فوق يالوزن الثقيل=ليه النظر للعالم اللي ماتبل حلوقها
والعمر مره والقلوب البيض ماتبغى دليل=والناس اذا طابت نواياها تطيب وفوقها
لو كل من سمى ( نبيل ) يصير مثل اسمه نبيل=سميتها( ليلي) على ليلي .... وانا معشوقها
كذا كذا .. ( ياحرفه التمويه في نعش القتيل )=يا صاحبي اغمض عيونك وادفنه في موقها
وانا تعبت من الحجاج السمح والكف البخيل=ولا عندي حل اعالجها ... واخيط فتوقها
صحيح انا ممكن اسويها .. واسوي المستحيل=لكن رجلي فى هوى نفسي .. ماعاد اسوقها
وشلون ابرر موقفي واجزا جميلك بالجميل=وأنا يديني في فم الحية .. ورجلي فوقها
اتمنى ان تحوز اعجابكم
20-07-2007, 01:23 AM
العرض الشجري