أصدق احبك تحتضر في لساني=مرّت على زيف القلوب ..وخرعها
تبعثّرت مابين .... عوج المحاني = أربع اا حروف ولالقت من جمعها
همسة عتب.. للمستحيل وزماني = ونزف الجروح اللي وريدي جرعها
شرهة وفا .. لأحلامنا والاماني = وصرخة الم بصدورنا من جزعها
صبيت بكفوف الموده كياني = وسلمت روحي للغرام ... ! وخدعها
رغم الشعور.. اللي بصدري كواني =الخوف عن درب الهوى مامنعها
للحب في نفسي وجود ومعاني =لاضاق صدر الكون صدري وسعها
دورت في غب البحور المواني= وارتاح لازام الهبوب ودفعها
ياما غويت الماء وياما غواني=مدري تبعت الريح والا تبعها
ياموج انا وياك صرنا خواني=بالهون لاهب الشمال وقلعها
ماكل من خده لمع مودماني =شفي على اللي قفت ورحت معها
أصدق احبك .. مانطقها لساااني=يمكن تموت ولالقت من سمعها
العرض الشجري