اقروا أوصاف البنت اللي تحبها قلوبكم.....

[ولد ال صالح]

السلام عليكم

هاكم الأوصاف و أرجو ان تعجبكم

خويت درب عمري ماخذاني دونها النسيان = وأنا ياهل الملامه مارغبت العيش وحداني

ابيها مهرة ماعسفت صغيره وبنت حصان = أبوها اللي يفك المشكله ويزبن الجاني

أبوها لاتعزوى باسمها فزوا له العربان = يحق الها الفخر في قولة آل فلان جداني

ابيها في بحر عشرين لازود ولا نقصان = أبيها اقصر طويله والوصوف اشكال و الواني

أبي الجبهه كما الصبح وكما القوس أسود الحجان = وابيها ناعسات ونرجسيه سود الأعياني

ابي رمش كما ريش يغطي الثلج في الأوجان = وابي جفن يشيل الرمش طربان و كسلاني

وابي خد مثل ورد تنمى في طرف بستان = وابي خشم صغير ومثل حد السيف شاماني

ابي البسمه كما البرق وثناياها كما المرجان = وشفاها جمرتين وفمها خاتم سليماني

ابي شعر كما ذيل الفرس لا كبت الميدان = او الشلال لامن بات ليله بين الامتاني

ابي جيد سواة ابريق فضه ناتق مليان = وصدر كنه مرايه عليها طلع رماني

ابي ظهر كما الجدول وقدمن مثل غصن البان = وخصر مثل مجدول العنان وجسم روياني

ابيها نابية ردف وبطن ضامر جوعان = ابيها مدمجة ساق وقدمها لسان ثعباني

ابيها بنت عز من رغدها ينعم الفستان = ابي الرقه وابي الدقه لها باطرافها شاني

ابي المشيه كما اللي طالع من المعركه كسبان = وابيها ترش مع خطواتها مسك وريحاني

ابي صوت إلى مني سمعته كن فيه الحان = يدغدغ مسمعي ويثير كل السحر فـ .. اشجاني

ابيها حب واخلاص وهواجيس وفرح واحزان = ابيها مثل دكتور اهالي العشق وصاني

ابيها لوحة ماصورتها ريشة الفنان = ابيها جوهرة ماجابها قاصي ولاداني

ابيها تنتصر لي من زمان حطني نيشان = وتبشر بالغلا اللي مالفابه واحد ثاني

مهرها قلب وشعر يهز القلب و الوجدان = والبسها القصيد وتصيح اوزاني وقيفاني

ابي اللي فات واللي فات صعب ومن لقى العنوان = يرد العلم وإلا افضل ابقى اعيش وحداني

وسلااااااااامتكم

وهي أغنيه للفنان القدير:

خالد عبدالرحمن

وتقبلوا

خالص

سلاااااااااامي