,’,’,’ الــــــ@ـــــام القصـــــيـــد ,’,’,’

[مشاعر حالمه]

السلام عليكم ورحمة الله وبركاته

احد قصائدي تتشرف بمروركم اذا سمحتم

نجوم الليل تحاكيني وأحاكيها بنظراتي=عيوني يانجوم الليل ورى نومي مجافيها
أعاند وقتي القاسي يذكرني بما فاتي=همومي يانجوم الليل على كثرك تساويها
اناظر بالفضاء الواسع تهل العين دمعاتي=أنا وشلون هالدنيا علي ضاقت مساعيها
أدرّج خطوتي بالليل وتمل الرجل خطواتي=أتوه من السفر مابين حاضرها وماضيها
تسود فيني الدنيا وأرد أنظر لمرآتــي=ولالي غيرها عين ٍ تحاكيني وأحاكيها
أدور بسمة ٍ تخفي عن النظرات ضيقاتي=عجزت من المشي لكن همومي وين أوديها
ألا يالله ياربي طلبتك تجمع شتاتــي=مشااعر حالمه ماحدٍ قدر يفهم خوافيها
أنا مقدر على غيرك يارب اشكي معاناتي=أنا مليت من دنيا همومي زايده فيها

وسلامتكم ...

تحيتي لكم / مشاعر حالمه _ عزوة ابوها