يــا كــــذبــــك ؟

[سعود بن مهدي]

صباح الورد

اتصدد عنك ,, يوم الد عيني = وانت ماهمك ! ولا حسيت فيني
مابغيتك تشعر بضعفي ؟ وحزني = كنت ناطر ؟ .. ضمت ايديك ليديني
حس في كبدٍ أنفطـرت فـي غيآبـك =ليـن صـآرت بالحنايـا تحتوينـي
ما شريتك بس بعت النـاس لأجلـك =وما ابي الا اعرف انـك مشترينـي
لعنبوٍك شلـون حبيتك وانـا اللـي =ما قدر قبلـك أحـد ياخـذ حنينـي
ما ابي ..! من دنيتـي إلا وجـودك = أن بغيـت أجيـك أو انك تجيـنـي
مالـي الا والدينـي قبـل اعرفـك =لين جيت وصـرت ثالـث والدينـي
يا خلاصه (شوق) في قالب (مشاعر)=يا أختصار ايام .. فـي جملـه سنينـي
يا جواهر مـا كشفهـا الا عيونـي =يا وصايف مـا أسترتهـا مقلتينـي
يا حـلاوة مـا عرفهـا الا لسانـي =يـا ورود مـا لمسهـا الا يديـنـي
يا نعم مـا خصهـا ربـي لغيـري =يا أمنيات الخلق فـي دنيـا ودينـي
يا احلام عشت لأجل اعيـش فيهـا =يا تعب يستاهل المـا فـي جبينـي
من كثر ما أدورك لو انـك جنبـي!=خأيف لا أضيع مـا بينـك وبينـي
كل ما شفتك احس مانـي مصـدق.!=لو تقـول انـي معك اقـول وينـي
لا تعذبنـي تـرا مانـي بنـاقـص=حس في معنى اللـي تسويـه فينـي
أشعر اني عشت عمري في غرامـك=وأنت مثلي عشت عمـرك تهتوينـي
عينـي وقلبـي يحبونـكـ لأنـك =.!الوحيد اللـي سكـن قلبـي وعينـي
لا يغرك حبـي وتقـعـد تكـابـر=ولا تعيش بكبريائـك يـا ضنينـي
داري ان قلبك يبينـي وأنـت داري =لا تقول : أنك تعبـت ومـا تبينـي
لو تقول : أنك تبي الفرقا يـا كذبـك=أدري انك تحبنـي وتمـوت فينـي

وسلامتكم