....إهداء للجميع بشكل عام ولكل من إسمها نوره بشكل خاص.

[شيخ المراجل]

إخواني وأخواتي الأعزاء في منتدى صدى المشاعر أقدم لكم هذه الأبيات المتواضعه واتمنى أن ترقى لمستوى ذائقتكم الشعريه.

الوقت مـهمـا قسى عيب أشتكي جوره ***** والطيب ورثٍ لأبوي وورثٍ لجدّي.

ولـلـشعـر جـمـهـور يـاحظـه بجمهوره ***** وأنـا أحـمـدالله شـاعـر مـاحـدٍ قدّي .

ودام الــغــلا فـي خـفوقي مـاخـذٍ دوره ***** بـسـوي أبـيـات شعـرٍمـالـهـا حــدّي.

الـقلـب بـرواز وأشـواق الـغـلا صوره ***** الله يـعز الـوصال ويـقـطع الـصدّي.

والبارحه كـل ماتـطـرى علـي نوره ***** أدري مــاتــدري لـكـنها بيحت سدي.

مشاعر القلب سـوّت فـي الـحشـا ثوره ***** وأقـول هـدّي لـكـنـهـا عـيـّت تهـدّي.

حتى لو إنـهـا درت يــانـاس مـعـذوره ***** مـافي إيدها شي وأنـا ويش في يدّي.

متواضعه بس بعض احيان مـغـروره ***** مـالـومها والـحـلا والـزيـن مـتـعـدّي.

تكرم عن أهل الجفا والكذب والبـوره ***** أسـيـر فـي ودّهـا وتـسـيـر فـي ودّي.

هي جـرح قلبـي وهـي طبّـه ودكتـوره ***** بين المعـالـيـق تـمشـي كبر وتـعـدّي.

كـن الـحـشـا بيتـهـا وأطيـافـهـا سـوره ***** سبـحــان ربٍ خـلـقـهـا مـالـهـا نـدّي.

ودام الـبيـوت الـجـزيله فـي هوى نـوره ***** بـسـّوي ابـيـات شـعـرٍ مالـهـا حدّي.

وسلامتكم.