خالي المشكل

[جابر ال مطلق]

بسم الله الرحمن الرحيم
يالله اني طالبك وانـت ياربـي عويـن=ماسواك يدبر الفلـك عـلام الغيـوب
اطلبك في رحمة الحال في دنيـا وديـن=كافل لرزاق منشي نسانيـس الهبـوب
الدهـر قاسـي علينـا وعيـا مايليـن=عقب ماجتني علوم من ديار الجنـوب
عقب ماجتني علوم ضحى يـوم الثنيـن=العلوم اللي تزيد المرض وسط القلوب
قالو ان خالك توفى عسى ربـي يعيـن=خالي المشكل غدا فالقبر تحت النصوب
وقامت ادموعي تجرح محاجر كل عيـن=والدمع من فوق خدي كما صب الصبوب
اشهد انه راح راعي الوفا ذرب اليميـن=كاسب (ن)النعم والمرجله من كل صوب
وفي الكرم ضيفه يقلط على سمن وسمين=مزبن الخايف ليا ضاقت اوساع الدروب
البقـا لله والعمـر يفنـا بعـد حـيـن=والذكر يبقى للخالي كما عـد جـذوب
يالله انك تسكنه في ريـاض الصالحيـن=انت ياربي تغفـر الخطايـا والذنـوب

وسلامتكم