ياشاري القلب مني ودي ابيعه = في كل ليله وله مسرا ومعراجي
ياكبر همه ويا مابعد مطاليعه = به هم (ن) اكبر من ابانات وسواجي
ماعد يسمع كلامي له ولا يطيعه = حتى اختلف سير منهاجه ومنهاجي
ياما نصحته يقلل من مشاريعه = اللي من اسبابها سبب لي ازعاجي
قام يتهدد وقاضبته فراريعه = يبا المخاريج لكن ماش مخراجي
المشكله قام يلطم كنه ---- = حاولت اهديه لكن صابه خلاجي
يزعل واراضيه واتعبني بتدليعه = يدري اني لخدمته مجبر ومحتاجي
ودي بفرقاه لكن خايف الضيعه = وحاولة اعالجه لكن ماله علاجي
قلت الخبر بأعلنه للناس واذيعه = لجل العرب تدري ان ممشاك منعاجي
قال كل(ن) تراقلبه من اسباب تركيعه = وانا بخلي دموعك مثل هداجي
وعودت احايله قبل يحين توديعه = عسى ولعل يبقى بشره اللاجي
انا اشهد انه صحيحات(ن) مراميعه = ادري ولكن تسبب لي بالأحراجي
العرض الشجري