اليكم هذا النص وارجو ان يجوز على الرضى
قوقل ايرث
عندي لكم يأهل المحبه ابشاره =اطراف موجز والتفاصيل بعدين
توه وردنا هالخبر من دياره =اخبار توفي باللقاء للمحبين
برنامج القوقل مشي في مساره =يكشف ديارن ساكنته السلاطين
عليك تنزيـله ودق اخـتاره =وتحديد خط الطول ماينشدك وين
دقه وخله بالفضاء في قراره =ومنين ماقلت اتجه قال ومنين
يا بيض الله وجه منهو ابتكاره =يجزاه ربي عد تعداد هالصين
وضعيته اقمار تمشي بمداره =تكشف مدار الارض حدن بحدين
والدق عنده... كنها وصف قاره = قصدك يجيبه.... شوف اقرب من العين
كنه اشقرن يعجبك شوفة اطياره = وليا انخرط وسم الحبار بشقين
الاشقر الي فارقن من الجياره = صلفن ويفرق بالمداوس على بين
يأهل المحبه لابقيتُ أزياره = وكلٍ شفق ابشوف خله يبي الحين
عليه بالي .... لطلبه مستخاره = قال الطلب امرن وعطني العناوين
ثم جاب خله وسط مسكن ادياره = وخلاه قدامه ونظم فيه بيتين
راحو العواذل في مهب الغباره = معاد ينفع فالحكي نقلت الشين
الشوف حاصل وان ذبحهم جباره = ولا صار خلي طيبن... خاطري زين
يالله عسى قوقل يجيله ازياره = حرام يذبح له من الضان كبشين
هذا الخبر توه وصل من ادياره = اخبـار توفي باللـقاء للمحبين
وسلامتكم
05-02-2006, 02:07 AM
العرض الشجري