غـــطـــــرســــت شاااااااااااعــــــــــر

[سالم محمد اليامي]

بسـم الله الرحـمـن الرحـيـم

السلام عليمكم ورحمة الله وبركاته



وين انت يـاوادي العشّـاق والرقـهّ=بنهـل حـروفٍ جميلـه ماتعاكسنـي

تمشي على حسب تفكيـري وبالدقّـه=كن الشعـر قـال فهمنـي ودرسنـي

وطرقت باب القصيـد بنفـس مندقّـه=في ليل بـرده يروعنـي وقارسنـي

للـي غلاتـه وحبـه زايـدٍ حـقّـه=من اخمص الرجل لين الراس تارسني

ممشوقة الطول ذات العـود ممشقّـه=ذات القوام اللذي بالحيـل يهوسنـي

واللي مـن النـور والبنـور مشتقّـه=مخلوق نادر عن العالـم موسوسنـي

اطرق جماله يشـق الكـون ويشقّـه=والمـوت حبـه تلبسنـي ولاابسنـي

تفتر فـي داخـل الشريـان وتعقّـه=في وسط دمي يلاعبنـي وحارسنـي

واقول خلوه من كيفـه ومـن حقّـه=يامـر وينهـى واذا وده يفارسـنـي

لنه مع القلـب فـي الدقـه وبالدَقّـه=متواجـدٍ وسـط خفاقـي يحمسنـي

ولنه سواليـف شعـرٍ فـوق مرتقّـه=من فوق كل البشـر محـدٍ ينافسنـي

كتلـة وفـاء والغـلا زايـد ومتنقّـه=لبيـه كلـك وكـلـك ياملامسـنـي

يكفي بأني وسـط قلبـه وفـي شقّـه=بيـن الحنايـا موزعنـي وغارسنـي

ولا سلب عقل ابن عسكـر ولا بقّـه=الا غيابـه واذا عصـب يلاسـنـي

يعني غيابه يخـرش الكبـد ويطقّـه=وتعصيبته غيرتـه يبغـى يحسسنـي

فيها صفـات البرائـه طفلـه ولُقّـه=بالشعر والطيب امارسهـا تمارسنـي

لاعضـة شفاتهـا ثـم قامـت تمقّـه=كنها رضيـعٍ يمـق الثـدي باالسنـي

لا شافها الشيخ ابـو لحيـه ومتفقّـه=ضاعت اعلومه وقـال الله يحرسنـي

لا ياعبّيـد خـذ الخفـاق قـم هقّـه=قله غيابـه تـراه اقشـر وحايسنـي

في غيبتـه عبرتـي بالحلـق وتزقّـه=والصدر ضيّق على انفاسي وحابسني

ياكبريائـي وكـل النـاس يااانـقّـه=من حبـك الصـادق الله لا يفلسنـي

ياغطرست شاعرٍ قافـه علـى أقّـه=والعجز جابه على شانك على أسنـي

هذا خفوقي معك قم فـز ثـم سقّـه=واسمع شطر بيت ثابـت ويتنفسنـي

اسمـع كلامـي وباالتحديـد والدقّـه=حبك علي بالطـلاق انـه ينومسنـي

وســـلامـــتـــكـــم

الــــــــــــــراوي