((يأمير القلوب))

[محسن الحجرف]

بسم الله والصلاة والسلام على رسول الله
ان لله وان اليه راجعون
عظم الله اجركم يا اهل الكويت
................... هذا مستطيع ان اقوله . لأول مره لا يسعفني الكلام

اليكم هذه القصيده التي اعتبرها ام القصيد بالنسبتي لي

يامير القلوب

الله يبيحك يا سمُـو الشيـخ جابـر يالأميـن
ويسُكنك جنات عدن ويرفعك فيهـا أدرجـات
أمين يالله ترحمـه أميـن دعـوة مسلميـن
وأنت الذي تذكر عبيـدك بالجـزا بالذاريـات

وعدك بجنات النعيم وعيـون فيهـا المتقيـن
وأنت المدبـر كلمتـك مذكـورتٍ بالنازعـات

يالله يالرحـمـن يالغـفـار يالله المـعـيـن
يامنزلٍ عـم وتبـارك والعصـر والعاديـات

ومنُزلٍ سورة سبـأ والشمـس يالله يامهيـن
أتهون الي صابنـا وتهـون أمـر الفاجعـات

ياشعب جابر جيت أعزي والعز أمـره مبيـن
الله يجبر خاطرك يـا شعـب وقفاتـه نبـات

الله يعظـم أجـر اليتامـا والارامـل باكييـن
يبكون أبوهم معطي المسكين كسوه هالمبـات

الطير عيا لا يطير والنحل عـاف الياسميـن
والارض تبكي في سبات والليل قام من السبات

انا أدري أن الموت حق وبعض الأحياء ميتين
وفيه بعض الميتين أحيـاء تبرزهـم صفـات

يا شيخنا يـا ميرنـا يرحمـك رب العالميـن
دعوات شعبك من طفل اليـا مسـن متاليـات

لابارك الله في دموع ٍ منًزلة من وسط عيـن
يا كيف وهيا ماوعت الا على جابـر ومـات

قال الرسول القلب يحزن والمدامـع تستبيـن
وحنا على الفرقا ياجابر محزنينن ومحزنـات

يا كيف مانبكي الذي واجه صعيبـات السنيـن
هو قايد النهضه ورسـخ فايتـه والمقبـلات

يا شيخنا أرثت الكرم والطيـب وفعـال تبيـن
وأرثت تاريخ البلد بصمـات فيهـا معجـزات

أبسأل التاريخ منهو متعبـك وانـت الدويـن
يا أيام دوني ماأقول بـوراق بيـضٍ باينـات

من فكرته بيت الزكاة الـي حظـن متعففيـن
ومن فكرته هالتنميه الصندوق راعي الواجبات

ومن فكرته صندوق الاجيال الـذي للمقبليـن
ومن فكرته التامينًيات الـي تحقـق لمنيـات

ومن فكرته مجلس تعاون من تبناهـا بيقيـن
ومن فكرته ومن فكرته انه يتحدى المعضلات

يا مير يا مير القلوب يبكيـك كـل المسلميـن
والله تبكيـك النصـار يـا أميـر الكايـدات

يالله تحًشر شيخنا مـع هالنبـي والصالحيـن
ويسُكنك جنات عدن ويرفعك فيهـا أدرجـات

وسلامتكم

والسلام على اميرنا