الخطأ ماهو خطـاك....

[صـــبـــــــــا]

السلام عليكم ورحمة الله وبركاته

أسعد الله أوقاتكم أحبتي .. جئت لكم بالجديد

آملا ان يسترقي الى جملة "صح لسانك"

تذوقوها ونلقتي بعدها




الخطأ ماهو خطـاك .. ولا خطـأ ذيـك الليـال
. . . . . . . . . . . . . .الخطأ منّي وأنا اللي بعتـذر لـك عـن خطـاي
.
ماقصدت أجرح شعورك ؛ هذا من قلبي محال
. . . . . . . . . . . . . .كان قصدي أشتكي لك .. أو أبيّـن لـك عنـاي
.
ولا قصدت أزرع صدودي ..من بعد ذاك الوصال
. . . . . . . . . . . . . .حتى دمعـي!! ماقصدتـه يـوم حسيـت ابّكـاي
.
(عادتي لاضقت أسكت!! وان حكيت أحكي بعجال)
. . . . . . . . . . . . . .وانت حظّك يوم ضقت .. اثنينهم صاروا معـاي
.
أعذرني .. لو جرحتك واترك لمثلي .. مجـال
. . . . . . . . . . . . . .وأوعدك .. أني لخلّي من الخطأ عبـره لسـواي
.
من جرحتك .. بس أردد ؛؛ من كثر همّي ..سؤال
. . . . . . . . . . . . . .كيف أبضحك يوم عيدي وأرمي همومـي وراي؟
.

غلطتي .. من كثر شوقي << قلت لك يالله تعـال
. . . . . . . . . . . . . .وغلطتي اني شرحت لمسمعك وش هـو عنـاي
.
الخطأ ماهو خطـاك .. ولا خطـأ ذيـك الليـال
. . . . . . . . . . . . . .الخطأ من (قلبي) اللي دووووم يتمـادى بخطـاي

.



.
صـــبــــــــــــــأ