هذه القصيدة والتي فيها من الواقع الذي تعرضت له في زمن القصيدة وهي موجهة لشخص عزيز علي وقريب الى قلبي والقصيدة تعبر عن نفسها وكلي امل ان تحوز على رضاكم واستحسانكم ومع القصيدة :
ياعـبـيـد قلـبـي كـل ماقـلـت لك ســج=تـذكـر الـلـي فـيـه حـسـن وغـنـاجــــــه
يالـج قلـبـي لــج ضــرسٍ الـــى لـــــــج =سـوس وجـالـه فـي ضـروسـي لجاجــه
عـلـى ولـيـفٍ دونـه اجـيـوش وامــــوج=عـكــر مـزاجــي عـكـر الـلــه مـزاجــــــه
ياعـبـيـد انا من عـقبـه اصبحت مرتـــج=امشـي بوسـط السوق من دون حاجه
ياخوك حـبـه وسـط جوفــي تـرجـــــــرج =ولا غــاب صـرت ادوج كـني خواجـه
شـد الـرحـال وقـال : انا اليوم بانهــــج=واقـفـى وانا واقـف وفيـنـي خلاجـــــه
رحـت للـجمـارك قـالـوا الـيــوم خـــرج =هـذاك مـوتـر صـاحبك ذا عـجاجــــــه
راعــي ثـمــانٍ داخــل مبـيسـمـه فـلـــج=كنـهـا الـبـرد لاطـاح بارض وتواجـــــه
والــزول كنــه ظـــبــي .. لامــن تــدرج =بـارض فـلا يمـشـي بحـسـن وزراجـــــه
والا جـوالــة ريـــم .. لا جــفّــل وهـــــج= يازيـن مـشيـه لامـشـى واهتجــــاجــــه
والـخـد مـثــل : الـبــرق لامـن تـوهــــج=يجـلـي ظــلام اللـيل كـثـر اهتواجــــه
ابــو جــديـــلٍ كـنــه الـلـيـل الادلـــــــج =قـلبـي عـلـى فـرقــاه زاد انـزعـاجــــــه
خــذى صـفــات الزيـن ! فـيـهـا تـتــــوج=كـل الحـلـى مـجـمـوع كـلــه بـتاجــه
وانـا على فـرقــاه .. بالحـيـل مـحـتـــــج=وحتى ضـمـيــري مـنـه زاد احتجاجه
لي في هوى المجمول مسلك ومنهج=وشـوفـه يـرجـع للـضـمـيــر ابتـهاجــــه
خلـــي الى مـن شفتـه ارتاح وابهــــــج=لامـن نـظــر بالعـين وارخى احجاجه
ياصاحبي فجيت وسط الحشى فــــــج=فــجٍ على الجُـراح صــعـبٍ اعــلاجــه
يوم انك ابممشاك قدمــي تــعــــــــوج=ياحلو يامـمـلـوح خــل الـعـواجــــــــه
لاتـــتـــرك الــعــدوان فيـنــا اتفـــــــــرج=تـرى الـهوى مـمـزوج ملح وسماجــه
لك الذهب باجيب والماس والعــــج=لـلـعـاج انـا بـاروح واجيــب عاجــــــه
لـشـك غــيري يالـغـضـــي لاتـــــــــزوج=خلـك حـليـم وخـل عنـك السجاجـه
نسيت عـهـدك يـوم عـنــدي تخلــــج=يومـك تقــول القـلـب حاكـه وناجــه
ارجع وصل وكمل الفرض بالحـــــج=وابنـتـظـر حبـك واصـارع امـواجــــه
أما ارجـهـن القلـب ماعـاد وجـــــوج=والا كـسـرتــه مـثـل كســر الزجاجـــــه
اخوكم/ البرنس ....
05-09-2005, 11:23 PM
ياعـبـيـد قلـبـي كـل ماقـلـت لك ســج
العرض الشجري