خلاص يالقـلـب الـشـقـاوي تـوبــه=ماعاد احب ايات شخص(ن)ثاني
محبـتـه صـــارت مـاهــي مطـلـوبـه=مـن الهـواء يكفينـي اللـي جـانـي
عـذبــت حـالــي بـالـهـواء ودروبـــه=اشقيـت روحـي فيـه ليـن اشقـانـي
طـحـت بـغــرام الـفـاتـن الرعـبـوبـه=الــجـــادل الــلـــي حـبــهــا عـنــانــي
اللـي عجبـنـي فـيـه زيــن اسلـوبـه=حـتــى فـتـنـي بـالـهــواء واغــوانــي
يــوم الله اقـردنـي مـشـيـت دروبـــه=وانـا علـى نفسـي غـديـت الجـانـي
يـجــرنــي لـلــحــب دوبــــــه دوبــــــه=حــتـــى تـمــلــك بـالــغــلا وجــدانـــي
في ضحكته سحـر ودلـع وعذوبـه=وفـي نظرتـه بحـر(ن) بــلا مـوانـي
غـديــت كـنــي فـــي يــــده لـعـبـوبـه=بـيـديــن طــفــل مــدلــع ووحــدانــي
لــو كـانـت لنـفـسـه قـبــل مـرغـوبـه=لامـلـهـا يـصـفـق بــهــا الـجـيـلانـي
هـذا جــزاء الـلـي حــب لــه لعـوبـه=استاهـل اللـي صـار واللـي جـانـي
مـحـبـتـه صــــارت عــلــيٌ عـقــوبــه=هـي سبـة جـروحـي وكــل احـزانـي
مــــادام لـوعــنــي وانـــــا مـحـبـوبــه=اجـــل وش سـواتــه لـيــا عــادانــي
يانفـس مانتـي بالهـواء مغصـوبـه=عـلــى غـــرام الـصـاحـب الـخـوانــي
خـلاص مـن حـب المصالـح توبـه=مـاأظــن قـلـبـي يـنـدفـع لـــه ثـانــي
نذر(ن) عليٌ ماعاد اقـرب صوبـه=مــادام ربــي مــن الـبـلاء عافـانـي
ولا عــاد افـكــر فـيــه نـوبــه نـوبــه=لو عشت انـا فـي دنيتـي وحدانـي
15-01-2014, 12:18 PM
العرض الشجري