ومـنـ لايدآريـ خاطريـ ليهـ أحاتيهـ

[يآحبني لهـ]

**


علمت نفسي درس ماني بناسيه
ماقيل لي و لا حفظته من كتاب

لا حدني وقتي على شي مابيه
اعز نفسي و منه الناس بتراب

الله يرجع كل غالي لغاليه
و الله يرد الشمل مابين الاحباب

اللي يبي الفرقا عسى الله يهنيه
ماني ورا المقفى مطارد و طلاب

لو كل من قفى بتبع خطاويه
مافارقت عيني مواليف و اصحاب

ياصاحبي ماعد لي شي اداريه
بيني و بينك مابقت كلمه عتاب

ومن لا يداري خاطري ليه احاتيه
ماهوب يستاهل شقا و حرقه اعصاب

لو كل شي بخاطري رحت اسويه
وش عاد ابسوي اذا خاطري طاب !!