اقبل على مافات واعود واروح..!!

[محمد بن منصور]

صحيح هم الليل مايعتق الروح=إلى إنقطع حس الرفيق الدناوي

ابطي وانا من بين لضلاع مجروح=جرح ٍ طري ٍ مايشوفه امداوي

مايظهره صوره لشاعه ولا ضوح=ليزر جهاز محللين الكماوي

اصبر على جور الليالي ولا ابوح=واضحك واضيًع مخلفين الهقاوي

وطرفي تقول إن داخل ٍ فيه ذرنوح=يغضي كما يغضي غرير ٍ سحاوي

اخاف لايشمت امن الناس مشفوح=لاشاف دمع ٍ مال رده امقاوي

يقول لين يحط ماشاف مفضوح=متخصص ٍ في فن صوغ الحكاوي

مايدري إني في مقامات وصروح=مرتاح لو إني غريبٍ شقاوي

اقبل على مافات واعود واروح=واعدد ايام ٍ مضت وش تساوي

كان الغصن مثمر وتزهابه الدوح=وحوله حمام الورق جرت غناوي

واليوم يبس ولابقا فيه مصلوح=جفت عروقه عقب جم ٍ رهاوي