صار لي مدتن وانا اتحراكم

[فتى مليجة]

السلام عليكم ورحمة الله وبركاتة
مساء الخير:

ارحبو تراحيب يـــام العريقة
الي لها في مجلس العز شان

وارحبو تراحيب الشقيق بشقيقة
من بعد توديعه فقد ضم الاجفان

وارحبو تراحيب الرفيق برفيقة
في داار غربة ما بها ربع واعوان

وارحبو تراحيب الصديق لصديقة
من كثر ما يغليه يرخص له اخوان

وارحبو تراحيب الوهم بالحقيقة
لعيون مظلوم لعب فيه سجان

يا مرحبا بكم والمعاني عميقة
في قلب اخوكم اللي تلاوعه الازمان

وسلامتكم

كتبت ذا القصيدة لتعبير عن الاشتياق والحنين والايام الي جمعتنا وعرفتنا بالناس الطيبين
والله يعلم بحالي مريت في بعض الظروف القاسية في حياتي والله اني مشتاق لكم واحد واحد
واللي ما اعرفه ولا الي اعرفة مشتاق التقي بكم من جديد وازودكم بالمفيد وتقبلو تحياتي

اخوكم: سعود نوار الشامري العجمي