أطلال القصيد

[الشاعر ويكيليكس]

بالغزل جو العروبه ما يساعد=والسياسه جوها صرّح وندد
العقل يبني مع الثوره قواعد=والهواوي يبني أحلام وتبدد
قال : وكفوفه من اللهفه تراعد=لا تردد في وصوفي لا تردد
خل جمهور الغزل يحجز مقاعد=واقهر الخفرات بوصوفي وردد :
ذا وليفي يا مقرقشة المضاعد=كل منهو شاف زوله ما تصدد
قلت : وقف لا تكلم وانت قاعد=قال : ضقت !! وقلت : لشروطي بحدد
كان ما تقبل شروطي لا تواعد=فتنة العذال !! ،، بعيونك تودد
قال : من شفت الكشن كاسيه جاعد=داري إن عقلك طغى فيه التشدد
وابتسمت ،، وقلت : ساعدني وأساعد=لا تهددني وانا ماني بَهدَدَ
لو تقدم لي على حبك تقاعد=في وتين القلب حبك بي تجدد
والهوى سهمين به نازل وصاعد=وانت في قمة هوى قلبي تمدد
لا تروغ إمن الوتين ولا تباعد=حول شرياني كذا قارب وسدد
ما يشوفك لا غلوم ولا مساعد= واطلب التمديد بعروقي وأمدد
العقل يبني مع الثوره قواعد=والهواوي يبني أحلام وتبدد