فاقد لي حبيب!!!!!

[البتآآر]

يحسبوني لا توجدت فاقد لي حبيب
واهني الجاهل اللي خفوقه مـا شعر
مـا برا حالي وبدل .سواد الشعر شيب
غير تفكيري بالامة وحزات النصر
واوجودي وجد عود(ن) .علئ جال القليب
يجذب الماء لذوده اللي حماها من صغر
يوم دنق يسحب ارشاه مع وقت المغيب
إقتفوه اللي على الخيل مـا أعطوه الخبر
وإحذفوه بوسط بيره بعد ضرب وضريب
واقفو الفريس بـ إبله وطاواه القهر
وسط ظلمة جب في ظلمة الليل المهيب
مـا يحرك من عظامه سوا عظم الظهر
وهل دمعه فوق خده عقب سمع القنيب
صوت ذيب(ن) مـا عوا غير حاديه الدهر
ثم رفع بالصوت والذيب جاوب صوت ذيب
كن صوته صوت من صابته خنجر غدر
قال يالله طالبك .وانته تشوف الصويب
يا إلاهن تسجد الناس له سر وجهر
يا إلاهي أطلبك رحمتك وانت القريب
والمقدر بأمرك يصير مـا فيها مفر
ذا وجودي والتوجد هذا مافيه عيب
خير من ناس(ن) توجد على ضوء القمر